Elordadaǵy Serafim ǵimabadathanasynyń burynǵy kúzetshisi sybailasymen birge qaiyrymdylyq jáshikterin urlap ketti. Bul týraly Nur-Sultan qalasy Politsiia departamentiniń baspasóz qyzmeti málimet taratty, dep habarlaidy QazAqparat.
Politsiia ókilderiniń aitýynsha, urylar nysanǵa tún ortasynda terezeni syndyryp kirgen.
«Urlyq tún ortasynda jasalǵan. Kúdiktiler jertóle terezesin shaǵyp, shirkeýge kirgen. Sodan keiin arnaiy bólmeniń esigin syndyryp, qaiyrymdylyq jinaýǵa arnalǵan 6 qoraptan 170 myń teńgeni urlap ketken. Oqiǵa týraly málimetti politsiiaǵa Serafim ǵibadathanasynyń dini qyzmetkeri tańerteń habarlady. Politsiia qyzmetkerleri táýlik ishinde 27 jastaǵy eki jigitti ustady. Olardyń bireýi buryn shirkeýde kúzetshi bolyp jumys istegen. Kúdiktiler qylmys jasaǵandaryn moiyndady. Qazir «Urlyq» baby boiynsha sotqa deiingi tergeý júrip jatyr», - dep jazady departamenttiń baspasóz qyzmeti.
Kúdiktiler urlanǵan aqshany jumsap úlgergenderin aitqan. Politsiianyń málimetine sensek, bul jup buryn da qylmys jasaǵan.
«2019 jyly kúdiktiler urlyq jasaǵany úshin qylmystyq jaýapkershilikke tartylǵan bolatyn. Nur-Sultan qalasynyń Politsiia departamenti qundy dúnielerdi urlatyp almaý úshin nysandarǵa beinebaqylaý kameralary men kúzet dabylyn ornatý qajettigin eskertedi», - dep jazylǵan departament dereginde.
