Nur-Sultanda sheteldik nómiri bar avtokólik iesi áieldi qaǵyp, oqiǵa ornynan qashyp ketti, dep habarlaidy "Ult aqparat".
«12 qarasha kúni shamamen tańǵy 9-da meniń áielim Katiany sur tústi Lada 15-modeli Kenesary men Imanbaeva kósheleriniń qiylysynda qaǵyp ketti. Oqiǵa avtobýs jolaǵynda jaiaý júrginshiler jolynda bolǵan. Tórt mashina jaiaý júrginshilerge jol bergen, al álgi kólik 100 km/saǵ jyldamdyqpen kelgen jáne oqiǵa ornynan qashyp ketken», - dedi zardap shegýshiniń kúieýi Vladimir Gashevskii.
Oqiǵa týraly V. Gashevskii áleýmettik jelige jazdy.
Onyń aitýynsha, oqiǵadan áieldiń murny synyp, mańdaiy qantalap, tize býynyna zaqym kelgen. Qazirgi ýaqytta onyń jaǵdaiy turaqty. Soqqan kóliktiń nómiri reseilik bolǵan.
Sonymen birge, Nur-Sultan qalalyq Politsiia departamenti jol-kólik oqiǵasyn rastady jáne avtokólik júrgizýshisiniń anyqtalǵanyn jetkizdi.
«Kenesary men Sh. Imanbaeva kósheleriniń qiylysynda bolǵan jol-kólik oqiǵasy boiynsha júrgizýshiniń anyqtalǵanyn habarlaimyz. Qazirgi ýaqytta ony ustaý jumystary júrip jatyr», - dep jaýap berdi Politsiia departamentiniń baspasóz qyzmeti.
