Elordada kezekten tys páterler berilmeidi. Bul týraly qala ákiminiń keńesshisi Elnur Beisenbaev aitty, dep habarlaidy "Ult aqparat".
E.Beisenbaevtyń sózinshe, messendjerlerde Nur-Sultan qalasynda páterler kezeksiz berilip jatqany týraly aqparat taraǵan. Biraq ol - shyndyqqa janaspaidy.
«Kezeksiz páter berý qarastyrylmaǵan. Áleýmettik baspana kezekte turǵan azamattarǵa zań sheńberinde jáne tek kezek boiynsha beriledi», - delingen taratylǵan málimette.
Elorda ákimdiginiń aqparatyna sáikes, aǵymdaǵy jyldyń aqpan aiynda memlekettik organdar men turǵyndar arasynda kommýnikativti vakkým qalyptasty. Bul máseleni sheshý úshin qalalyq ákimshilik qoǵamdyq qabyldaýlardyń qyzmet sapasyn jaqsartýǵa múmkindik beretin kontseptýaldy sharalardy qabyldady. Onymen qosa, búgingi tańda ákimdiktiń negizgi qyzmeti – halyqpen keri bailanysty nyǵaityp, azamattyq qoǵammen tolyqqandy ózara bailanys ornatýǵa baǵyttalǵan. Máselen, elordada áleýmettik jelilerde «keri bailanys» ornatylyp, «Januia» jáne iKomek ortalyqtary jumys ister tur. Budan bólek, ákimdik janynda qoǵamdyq qabyldaý tiimdi qyzmet atqarýda.
«Aǵymdaǵy jyldyń maýsym aiynan bastap ár apta saiyn qala ákimi, onyń orynbasarlary, aýdan ákimderi men memlekettik organdar basshylary turaqty túrde azamattardy qabyldaidy. Atap aitqanda, ákimniń qoǵamdyq qabyldaýy óz jumysyn bastaǵan 29 maýsymnan búginge deiin A.Kólginov 500-den astam turǵyndy qabyldady. Onda 1347 ótinim boiynsha másele kóterilip, 89% keshiktirilmei sheshimin tapty. Sondai-aq orynbasarlary 1,4 myńnan asa, aýdan ákimderi men basqarma basshylary 2,5 myńnan asa elorda turǵynyn qabyldady», - dedi E.Beisenbaev.
Turǵyndardan túsetin máselelerdiń kóbi turǵyn úi, bilim, nesielik qaryzyn óteý, densaýlyq saqtaý, jumyspen qamtý, materialdyq kómek, abattandyrý, TKSh, joldarǵa qatysty.
Ekinshiden, «Januia» otbasyn qoldaý ortalyǵy 70-ten asa memlekettik qyzmetti biriktirip, «bir tereze» qaǵidasy boiynsha azamattarǵa kómek kórsetedi. Ashylǵan kúnnen bastap oǵan 4,5 myńnan asa adam júginip, 8,5 myń másele kóterdi. Onyń 6,5 myńy boiynsha júieli konsýltatsiialar berilip, 2 myńǵa jýyǵy sheshimin tapty.
Úshinshiden, aýdan ákimdikterimen «Open Akimat» printsipi engizildi. Sonyń sheńberinde ashyq esik kúnderi ótkizilip, elordanyń 1 myńnan astam turǵyny qatysty.
