Ózin pandemiiamen kúres jónindegi monitoring tobynyń ókili retinde tanystyryp, oiyn-saýyq oryndarynan aqsha bopsalaǵan kúdikti ustaldy.
Bul týraly Sybailas jemqorlyqqa qarsy is-qimyl agentiginiń Telegram kanalynda jariialandy, dep habarlaidy QazAqparat.
«Nur-Sultan qalasy boiynsha Sybailas jemqorlyqqa qarsy qyzmet departamenti densaýlyq saqtaý ministrliginiń vedomstvolyq baǵynysty uiymynyń jaldamaly qyzmetkerin áshkereledi. Ol ózin monitoring tobynyń múshesi retinde tanystyryp, oiyn-saýyq oryndarynyń ieleri men ákimshilerin olardyń karantin rejimin buzǵany úshin ákimshilik jaýapkershilikten bosatý múmkindigi men ókilettigi bar ekenin aityp, jańylystyrǵan», - dep jazylǵan resmi málimette.
Agenttiktiń málimeti boiynsha, kúdiktige sengen oiyn-saýyq oryndarynyń ókilderi ai saiyn kúdiktige jalpy qamqorlyǵy úshin jáne karantin rejimin buzý faktisi boiynsha ákimshilik jaýapkershilikten bas tartqany úshin aqshalai qarajat tólegen.
«Bul iske ózge laýazymdy tulǵalardyń qatystylyǵy tekserilýde. Kúdikti qamaýǵa alyndy jáne sot onyń úsitnen «kúzetpen ustaý» túrindegi bultartpaý sanktsiiasyn qabyldady», - dep jazady agenttiktiń Telegram-kanalynda.
