Video kadry: instagram/zhaloby.astana
Nur-Sultanda lift ishinde dáret syndyrǵan er adam beinebaqylaý kameralaryna túsip qaldy. Video áleýmettik jelilerde tarap ketken. Sol video arqyly politseiler er adamdy anyqtap, ustady, - dep habarlaidy Tengrinews.kz.
Politsiia málimetinshe, Soltústik Qazaqstan oblysynyń 47 jastaǵy turǵyny anyqtaldy. Bul adamǵa qatysty "Usaq buzaqylyq" baby boiynsha ákimshilik is qozǵalǵan. Sońǵy sheshimdi Nur-Sultan qalasynyń Mamandandyrylǵan aýdanaralyq ákimshilik soty shyǵarady.
"Politsiia óz qyzmetinde negizgi qaǵidattardy - ádilettilik pen zańdy buzǵandarǵa jazanyń bultartpastyǵyn basshylyqqa alady. Qoǵamdyq tártipti buzǵany jáne ortaq úi múlkine ziian keltirgeni úshin kináli qoldanystaǵy zańnamaǵa sáikes jazalanady. Tártip saqshylary mundai derekterge jedel túrde den qoiyp, zańdy protsessýaldyq sheshimder qabyldaidy", - dedi Nur-Sultan qalalyq Politsiia departamenti Jergilikti politsiia qyzmeti basqarmasynyń bastyǵy Arman Aitmaǵambetov.
