Nur-Sultan qalasynda №1, №2 balalar aýrýhanalary men ortalyq jol aýrýhanasynyń aýmaǵynda dezinfektsiialyq keshender ornatyldy, dep habarlaidy "Ult aqparat" qala ákiminiń baspasóz qyzmetine silteme jasap.
Qaladaǵy alǵashqy dezinfektsiialyq keshen №3 kópbeiindi balalar aýrýhanasynda ornatylǵan bolatyn. Dezinfektsiialyq keshen meditsinalyq qyzmetkerler men kelýshilerdiń kiimderinen qaýipti patogenderdi joiýǵa múmkindik beredi.
«Qondyrǵy bý generatorlarynyń kómegimen jumys isteidi. Dezinfektsiialaý quraldary bar bý shyǵaratyn arnaiy motorlar bar. Bul keshen arqyly ótý kiimniń bar qyrtysyndaǵy qaýipti patogenderdi joiýǵa múmkindik beredi. Qondyrǵyny meditsina qyzmetkerleri kúnine eki ret, jumysqa shyqqanda jáne aýysym aiaqtalǵan soń paidalanady. Naýqastar da osy keshen arqyly óte alady. Jalpy osyndai 10 dezinfektsiialyq keshen bar», - deidi qyzmet kórsetýshi uiym ókilderi.
Jaqyn arada basqa meditsina mekemelerinde jáne adam kóp jinalatyn oryndarda osyndai dezinfektsiialyq tonnelder ornatylady. Elorda emhanalarynda koronavirýs infektsiiasynyń belgilerin tekserý úshin teplovizorlar ornatyldy.
Temperatýrany ólsheýge arnalǵan qurylǵylar kireberiste ornalasqan. Kelýshiler men dárigerlerdiń dene qyzýy joǵary bolǵan jaǵdaida mehanizm birden belgi beredi.
Teplovizorlar jeke demeýshi, biznesmen Nurlan Smaǵulovtyń qoldaýymen ornatyldy. Elorda ákimdigi kórsetilgen kómek úshin alǵys aitady.
