Nur-Sultanda L.N. Gýmilev atyndaǵy Eýraziia ulttyq ýniversitetiniń janyndaǵy kópir astynda jańa qoǵamdyq keńistik paida bolady. Onda stritbol, konki, ústel tennisi jáne jattyǵý alańdary bolady, dep habarlaidy "Ult aqparat" qala ákimdiginiń resmi saityna silteme jasap.
Sonymen qatar «Arqar» kópiriniń astyndaǵy aýmaqta demalys aimaqtary keńeitilip, olar jańa graffitimen tolyqtyryldy. Sporttyń belsendi túrine arnalǵan aimaq Gennadii Golovkin beinelengen mýralmen bezendirilgen. Ol kóshe fitnesi jabdyqtarymen, workout alańymen, ganteldermen, shtangalarmen jáne t.b. jabdyqtalady. Jaqyn jerde balalarǵa arnalǵan aimaq bolady.
Óner týyndylaryn Qazaqstannyń ár qalalarynan kelgen daryndy sýretshiler salǵan. Qazirgi ýaqytta munda retteý jumystary júrgizilýde. «Arqar» kópiriniń astyndaǵy keńistik Triatlon jáne Prezident saiabaqtaryn biriktirdi.
Elorda ákimdigi qala turǵyndarynyń demalysy úshin jaily jaǵdai jasaýǵa airyqsha kóńil bólýde. Osylaisha bos jatqan jerler úlken aýlalyq alańdarmen, shaǵyn saiabaqtarmen jáne jaily býlvarlarmen jabdyqtalǵan.
Mysaly, buǵan deiin Shákárim Qudaiberdiuly dańǵyly 17/6 bos jatqan aimaq bolǵan. Qazir munda úlken abattandyrylǵan aimaq, onyń ishinde fýtbol alańy bar. Avtoturaq máselesi sheshildi.
Biyl 50 qoǵamdyq oryn (saiabaqtar, skverler, býlvarlar) jáne 150 aýla jabdyqtalady.
Aýlalar men qoǵamdyq oryndar «Nur-Sultan – jaily qala» bas jospary tujyrymdamasy aiasynda abattandyrylýda.
