Elordada 28-30 tamyz aralyǵynda júgirý men velojarystan onlain saiys ótedi. Jarysqa qatysýshylar ózderine qolaily ýaqytta qatysa alady, dep habarlaidy "Ult aqparat" qala ákimdiginiń resmi saityna silteme jasap.
Bul jarystardyń ereksheligi - barlyq qatysýshylar Strava arnaiy qosymshasyn qoldanýy kerek. Budan basqa, jarysqa qatysýshylar ózderine qolaily kez kelgen ýaqytta 06:00-den 21:00-ge deiin qalaǵan qashyqtyqty baǵyndyra alady. Uiymdastyrýshylar jarys ótetin saiabaqty tańdaý quqyn qatysýshylarǵa beredi.
Qatysý sharttary:
1. Nátijelerdi baqylaý úshin Strava mobildi qosymshasyna tirkelý.
2. sport.otdel.16@inbox.ru elektrondy poshtasyna tómendegi aqparattardy jiberý qajet:
- Aty-jóni;
- Strava baǵdarlamasyndaǵy shottyń ataýy;
- elektrondy meken-jaiy.
3. Barlyq saqtyq sharalardy saqtai otyryp, marshrýtty aldyn ala daiyndaý kerek. Sanitarlyq normalar men qaýipsizdik tehnikasyn saqtaý qajet. Ár qatysýshy óz densaýlyǵyna jaýapty. Ár adam jarystyń qashyqtyǵy men ýaqytyn óz betinshe tańdaidy.
Qala kósheleriniń, dańǵyldarynyń júrý bóligine shyǵýǵa qatań tyiym salynady.
4. Nátijeni túzetý úshin telefonǵa, saǵattarǵa nemese bilezikke Strava baǵdarlamasyn qosýdy umytpańyz.
5. Júgirgennen keiin Instagram paraqshasynda óz nátijeńizben birge beine esep jariialap, @sport_nursultan @elordasport paraqshalaryn óz qashyqtyǵyńyzdyń heshtegimen belgileńiz #onlain5km, #onlain10km, #onlain15km, #onlain25km.
«30 tamyz kúni saǵat 22:00-ge deiin Instagram-da jariialanǵan video men nátijeler qorytyndylanady. Sondai-aq, ár qatysýshy qashyqtyq aiaqtalǵannan keiin WhatsApp-ta tirkeýden ótken nátijeni usynýy kerek. Ár qatysýshynyń ýaqyty jeke tirkeledi», - delingen dene shynyqtyrý jáne sport basqarmasy habarlamasynda.
Jarys qorytyndysy boiynsha áýesqoilar men ardagerler arasyndaǵy jeńimpazdarǵa júldeler men medaldar tabystalady. Barlyq qatysýshylar týý týraly kýálikterimen nemese jeke kýálikterimen tirkeýden ótedi.
Qatysýshylar úshin bailanys nómirleri tómende keltirilgen:
1. Áýesqoi júgirý-WhatsApp
18 jas jáne odan joǵary, Edil tel.: 8 775 947 22 79
2. Ardagerler júgirisi-WhatsApp
40 jáne odan joǵary, Dýman tel.: 8747 619 15 55
3. Áýesqoi velosherý-WhatsApp
18 jas jáne odan joǵary, Nurly tel.: 8771 166 03 06
4. Ardagerler velosherýi-WhatsApp
40 jáne odan joǵary, Erlan tel.: 8701 909 66 77
