Nur-Sultanda qoǵamdyq kólikterdiń balalar úshin tegin qyzmet kórsetkenine týra bir jyl boldy. Elorda ákimi Altai Kólginovtiń tapsyrmasy boiynsha barlyq kámeletke tolmaǵandar úshin jeńildetilgen jol júrý aqysy 2020 jyldyń naýryz aiynda iske qosyldy. Osylaisha tegin jol júrý engizilgen sátten bastap balalar 7 mln 600 myńǵa jýyq sapar jasady, dep habarlaidy qalalyq ákimdiktiń baspasóz qyzmeti.
«Týra bir jyl buryn Nur-Sultan qalasynyń ákimi Altai Kólginovtiń tapsyrmasy boiynsha barlyq kámeletke tolmaǵan balalarǵa olardyń mártebesine qaramastan tegin jol júrý engizilgen bolatyn. Bul sheshim qala mańynda turatyn balalarǵa da qatysty. Bul shara karantinge deiin engizilgen bolatyn.
Jol júrý úshin mektep kólik kartasynyń bolýy, ony avtobýsta validatsiialaý mindetti shart bolyp sanalady. Bul jolaýshylar aǵynyn qadaǵalaýǵa jáne basym baǵyttardy anyqtaýǵa múmkindik beredi. Jeti jasqa deiingi balalarǵa kólik kartasy qajet emes», — dep atap ótti «City Transportation Systems» JShS Basqarma tóraǵasy Bekmyrza Igenberdinov.
Bir jyl ishinde balalar úshin 40 myńǵa jýyq mektep kólik kartasy shyǵaryldy, onyń ishinde 7 myńnan astamy – biyl.
Qazirgi ýaqytta tegin jol júrýdi UOS qatysýshylary men múgedekteri jáne olarǵa teńestirilgen adamdar, zeinetkerler, sondai-aq zeinetkerlik jasqa tolǵan jasyna bailanysty jáne asyraýshysynan aiyrylý jaǵdaiy boiynsha memlekettik áleýmettik járdemaqy alýshylar, kópbalaly analar, kópbalaly otbasylar, múgedekter, 18 jasqa deiingi múgedek balalar, onyń ishinde ata-anasynyń (zańdy ókilderiniń) biri paidalanady.
Mektep kólik kartasyn rásimdeýge ótinimdi R.Qoshqarbaev dańǵyly, 50/1 mekenjaiyndaǵy ortalyq kassa arqyly alýǵa nemese transcard.kz onlain saity arqyly úige tapsyrys berýge bolady.
«Qazaqstan Respýblikasyndaǵy jergilikti memlekettik basqarý jáne ózin-ózi basqarý týraly» Zańǵa sáikes árbir óńir men jergilikti atqarýshy organ óz biýdjetin derbes qalyptastyrady jáne jeńildikterdi aiqyndaidy. Sondyqtan City Transportation Systems (CTS) marshrýttarymen tegin jol júrý elordada jáne onyń qala mańyndaǵy aýdandarda turatyn, oqityn 18 jasqa deiingi balalarǵa ǵana beriledi.
