Elordanyń «Barys-Arena» sport kesheninde «Qazaqstan barysy - 2019» týrniri bastaldy, dep habarlaidy "Ult aqparat".
Qazaq kúresinen «Qazaqstan barysy» respýblikalyq týrnirin «Qazaqstan» jáne «Qazsport» telearnalary tikelei efirde kórsetip jatyr.
Uiymdastyrýshylar osy ýaqytqa deiin aitqandai, finaldyq básekede elimizdiń túkpir-túkpirinen kelgen 35 balýan beldesedi. Biylǵy jarystyń júlde qory da qomaqty. Jeńimpazǵa 25 million teńgeden bólek, altyn belbeý men altynnan quiylǵan aýyspaly «Taituiaq» tabys etiledi. II jáne III orynǵa ie bolǵan sportshylarǵa sáikesinshe 5 million 500 myń jáne 1 million 800 myń teńge beriledi. Sonymen qatar palýandarǵa ár jeńisi úshin 100 myń teńge aqshalai syilyq tabystalady.
QR Qazaq kúresi federatsiiasynyń prezidenti Arman Shoraevtyń aitýynsha, «Qazaqstan barysy - 2019» týrnirine shyqqan balýandar elimizdiń 14 oblysynan, Nur-Sultan, Almaty, Shymkent qalalarynan jáne kúshtik qurylymdar arasyndaǵy týrnirlerde irikteýden ótken. Aitýly saiys osymen toǵyzynshy ret ótýde.
