Elordanyń monitoringtik toptary kúnine qalanyń 100-den astam kásipkerlik nysanyn tekseredi, onyń barysynda ondaǵan mekemede karantin rejimi buzylǵany anyqtalady.
Ótken táýlikte, iaǵni 1 qyrkúiekte 8 mekemede shekteý talaptary saqtalǵan joq, dep habarlaidy "Ult aqparat" Nur-Sultan ákimdiginiń resmi saityna silteme jasap.
Esil aýdanynda karantin buzýshylar tizimine úsh qoǵamdyq tamaqtaný orny kirdi: «Opus One» kafesi, «Miata» laýndj-bary, «Teqila» bary.
Saryarqa aýdanynda ornalasqan «Berlin» jáne «Na mangale» kafelerinde karantin talaptary saqtalǵan joq. Osyǵan uqsas buzýshylyq Baiqońyr aýdanyndaǵy «Respawn» kompiýterlik klýbynda da tirkeldi.
Almaty aýdanynda belgilengen jumys rejimin «Shampýrok» kafesi men «Miata» bary elemedi.
Tártip buzýshylarǵa qatysty jinalǵan materialdar ákimshilik sharalar qabyldaý úshin sanitariialyq-epidemiologiialyq baqylaý salasyndaǵy tiisti ýákiletti organdarǵa tapsyryldy.
Aita ketý kerek, elordadaǵy epidemiologiialyq ahýal turaqsyz. Kún saiyn KVI juqtyrǵan jańa naýqastar anyqtalady. Osyǵan bailanysty qala turǵyndary men qonaqtary, sondai-aq Nur-Sultan qalasynyń kásipkerlik nysandary sanitarlyq normalar men karantin talaptaryn qatań saqtaýy kerek.
