Nur-Sultan qalasynyń bas memlekettik sanitar dárigeri Sarhat Beisenova qandai jaǵdaida karantin talaptary kúsheitiletinin túsindirdi, dep habarlaidy QazAqparat.
«Karantindi kúsheitý máselesi qaladaǵy jaǵdai nasharlasa qarastyrylady, qazir bizde turaqty túrde KVI-men aýyrýdyń joǵary kórsetkishi bar, biraq nasharlaý, ýshyǵý joq. Eger jaǵdai nasharlasa, árine ekonomikalyq nysandardaǵy belgili bir shekteý is-sharalaryn qatańdatý jóninde qaýly shyǵarý qaralatyn bolady. Bul másele qaladaǵy epidemiologiialyq ahýal nasharlaǵan kezde ǵana qaralady», - dep jaýap berdi S. Beisenova elorda ákimdiginde ótken onlain brifingte.
Buǵan deiin Nur-Sultan qalasy qoǵamdyq densaýlyq saqtaý basqarmasynyń basshysy Timýr Muratov elordadaǵy epidemiologiialyq jaǵdaidy shilde aiyndaǵy aýyr kezeńge teńegen edi.
Koronavirýs infektsiiasy naýqastarynyń ósimi Naýryz meiramynan keiin baiqaldy. Astanalyq dárigerler men barlyq meditsinalyq qyzmetkerler qaitadan eki ese júktemede jumys istep jatyr.
KVI-men kúresý úshin 11 statsionar uiymdastyryldy, onyń ishinde 10 infektsiialyq, bir karantindik statsionar («Ramada Plaza» qonaq úii bazasynda) bar. Qosymsha úsh uiymnyń bazasynda 300 infektsiialyq tósek-oryn ashylýy múmkin.
