Elordada Ekinshi dúniejúzilik soǵys jaýyngerleriniń eskertkishinen baǵaly metaldan jasalǵan áripterin urlaǵan adam ustaldy, – dep habarlaidy «Ult aqparat».
Saryarqa aýdandyq politsiia basqarmasy Kriminaldyq politsiia bóliminiń qyzmetkerleri anyqtaýynsha, kúdikti túnde eskertkishtegi jezden quiylǵan áripterdi urlaǵan.
Jedel-izdestirý is-sharalaryn júrgizý barysynda tártip saqshylary buryn birneshe ret osyǵan uqsas qylmystary úshin sottalǵan 32 jastaǵy qala turǵynyn ustady.
«Qazirgi ýaqytta ustalǵan er adam ýaqytsha ustaý izoliatoryna qamalyp, QR QK-nyń 118-baby boiynsha sotqa deiingi tergeý amaldary júrgizilip jatyr. Politsiia qyzmetkerleri urlanǵan áripterdiń bir bóligin metall synyǵyn qabyldaityn orynnan alǵan» delingen Nur-Sultan qalasy Politsiia departamentiniń baspasóz habarlamasynda.
Baspasóz qyzmetiniń habarlaýynsha, urlanǵan zatty satyp alýshyǵa qatysty da sotqa deiingi tergeý amaldary júrgizilýde.
