Elordadaǵy kóshpeli brigadalar qalanyń túrli kásiporyndary men iri uiymdarynyń qyzmetkerlerin koronavirýstyq infektsiiaǵa qarsy vaktsinatsiialaýdy júrgizip jatyr, dep habarlaidy "Ult aqparat" qala ákimdiginiń resmi saityna silteme jasap.
KVI vaktsinasyn alýǵa ártúrli kásiporyndardyń eńbek ujymdary niet bildirdi. Olardyń arasynda «Astana-AEK» AQ, Eýraziia ulttyq ýniversiteti, «Astana Balet» teatry, «Nur-Álem» pavilonynyń qyzmetkerleri, qurylys kompaniialary, SOO, memlekettik organdar jáne t.b. bar.
«Qazir óz qyzmetkerlerin koronavirýstyq infektsiiaǵa qarsy vaktsinatsiialaǵysy keletin ujymdar jii júgine bastady. Niet bildirýshilerdiń tizimine sáikes sol jerde vaktsinatsiia júrgizý úshin MSAK uiymdarynyń kóshpeli brigadalaryn jiberemiz. Menshik ieleriniń aýmaǵynda barlyq sanitarlyq normalardy saqtai otyryp egý pýnktteri uiymdastyrylǵan», — deidi qalalyq qoǵamdyq densaýlyq saqtaý basqarmasy basshysynyń orynbasary Áliia Rústemova.
Onyń aitýynsha, ártúrli kásiporyndarda COVID-19 vaktsinasyn alǵysy keletinderdiń sany 1000 adamǵa jetedi.
«Astana-AEK» AQ qyzmetkerleri vaktsinatsiia COVID-19-ǵa qarsy turýdyń basty tásili ekenin atap ótti.
«Ujymdy vaktsinatsiiamen qamtý úshin kásiporynda egý pýnkti uiymdastyryldy. Ony ótkizý úshin bizge №5 qalalyq emhananyń medpersonaly keldi. Paidalaný senimdiligi jáne qaýipsizdik tehnikasy qyzmeti jeke kabinet uiymdastyryp, turǵyndardyń bir orynǵa jiylyp qalýyna jol bermeý úshin qatań qabyldaý kestesin ázirledi», — dep atap ótti «Astana-AEK» AQ.
«Elorda ákimi Altai Kólginovtiń tapsyrmasy boiynsha halyqty vaktsinatsiiamen keńinen qamtý úshin egý pýnktteriniń jumys kestesi tańǵy saǵat 8-den 12-ge deiin, «Mega Silk Way« SOO-da tańǵy saǵat 10-nan 22-ge deiin uzartyldy.
Onyń aitýynsha, 1-den 3-ke deiin kóshpeli brigadalardyń sany da qalyptasýda.
Jalpy, qalada KVI-ǵa qarsy vaktsinany 40 myńnan astam adam qabyldady.
