Nur-Sultan qalasynyń dárigerleri Aqmola oblysynyń arnaiy qyzmet kórsetý ortalyǵynyń 7 naýqasyn koronavirýstan emdedi, dep habarlaidy "Ult aqparat" elorda ákimdiginiń resmi saityna silteme jasap.
Olar 7 sáýirden bastap № 3 kópbeiindi qalalyq balalar aýrýhanasynda em aldy. Naýqastardyń arasynda 1927, 1933, 1944, 1955, 1961 jylǵy áielder men 1978, 1984 jylǵy er adamdar bar.
Patsientter dárigerlerge kórsetilgen meditsinalyq kómek pen qamqorlyq tanytqany úshin alǵys bildirdi. Sondai-aq dárigerlerge óleń joldaryn arnady. Elordada koronavirýsty juqtyrýdyń 433 jaǵdaiy tirkeldi, 207 adam indetten saýyqty.
