Elordada COVID-19 aýrýy qańtar aiymen salystyrǵanda 33,8%-ǵa tómendedi. Bul týraly Nur-Sultan qalasynyń bas memlekettik sanitarlyq dárigeri Sarhat Beisenova aityp berdi, dep habarlaidy QazAqparat.
«Qabyldanǵan shekteý jáne epidemiiaǵa qarsy sharalarynyń arqasynda qalada COVID-19 aýrýy qańtar aiymen salystyrǵanda 33,8%-ǵa tómendegeni baiqalady. Búgingi kúni qaladaǵy aptalyq qarqyndy kórsetkish 100 myń turǵynǵa shaqqanda - 53,96-ty kórsetedi. Nur-Sultan qalasy «sary aimaqta» tur, reprodýktivti sany – 0,997», - dedi S. Beisenova elorda ákimdiginde ótken onlain brifingide.
Qalada barlyq jastaǵy jáne kontingentter arasynda COVID-19 jaǵdailaryn tirkeý jalǵasýda. Jyl basynan beri 6707 zerthanalyq rastalǵan COVID-19 jaǵdaiy tirkelgen jáne 85 klinikalyq-epidemiologiialyq rastalǵan COVID-19 jaǵdailary PTR-testiniń teris nátijesimen tirkelken.
Táýligine 68 infektsiia jaǵdaiy tirkeldi, onyń ishinde 37 jaǵdai simptomdy, 31-i simptomsyz túrde bolǵan. Al 73 oshaq anyqtalsa, onyń 54-i úilerde, 19-y uiymdastyrylǵan toptarda ornalasqan.
«Sonymen birge simptomy bar naýqastardyń úles salmaǵy qańtar aiynda 65,2 % bolsa, aqpan aiyna 68,09 %-ǵa deiin ósken. Atap aitqanda, 50 jastan asqan adamdar arasynda simptomdarmen syrqattaný 3,5%-ǵa ósti», - deidi spiker.
