Elorda ákimi Altai Kólginov «Óndiris» turǵyn alabyndaǵy jumystardyń barysymen tanysty. Bul týraly ol óziniń Instagramdaǵy paraqshasynda jazdy, dep habarlaidy "Ult aqparat" ákimdiktiń resmi saityna silteme jasap.
«Eldi mekenderdegi sharýashylyq jumystardy jalǵastyryp jatyrmyz. Abattandyrýdy qajet etetin jerlerge turǵyndarǵa asa qajeti úlken aýlalar, saiabaqtar men jaily tynymbaqtar salynýda. Búgingi keshkilik ýaqytta qala shetindegi eldi mekenniń biri Óndiriste (Lesozavod) júrgizilip jatqan jumystardy qadaǵalap keldim.
Aqbidai kóshesi, 11 mekenjaiynda qazir fýtbol alańy bar aýla jasaldy. Bul balalarǵa da, aǵa býyn úshin de yńǵaily bolady.
Taibýryl, 9a kóshesiniń aýmaǵynda shaǵyn saiabaq ashyldy. Munda 1950 jyly salynǵan japsarlas úiler boldy. Aýmaq birneshe aimaqqa bólindi: sporttyq trenajerler aimaǵy, balalarǵa arnalǵan oiyn alańy jáne fýtbol/basketbol alańy.
Aýla aýmaqtary men qoǵamdyq oryndy abattandyrý kezinde kógaldandyrýǵa erekshe nazar aýdaramyz. Egilgen tal-terekterdiń saiasy ystyq kúnderi turǵyndardyń demalýyna jaily bolmaq. Taǵy bir jańalyq, bul jerge turǵyndardyń ótinishi boiynsha jyly aialdama ornatyldy.
Sonymen qatar, Prezidenttiń tapsyrmasyna sáikes Óndiris eldi mekeninde №23 oqý ornynyń aýmaǵynda mekteptiń jańa korpýsynyń qurylysy bastaldy. Eńseli dene shynyqtyrý-saýyqtyrý kesheniniń qurylysyn júrgizip jatyrmyz. №49 mektebinde kúrdeli jóndeý júrgizemiz. Kezdesý barysynda Óndiris eldi mekeniniń turǵyndary birqatar másele kóterdi. Olardy josparymyzǵa bekittik», – dep jazdy Altai Kólginov.
Jalpy, biyl 150 aýla men 50 qoǵamdyq keńistik (saiabaqtar, skverler, býlvarlar) abattandyrylady.
