Nur-Sultan qalasynyń mobildi toptary bir aptada 227 karantin erejesin buzý faktisin tirkedi, dep habarlaidy "Ult aqparat" elordalyq politsiia departamentiniń baspasóz qyzmetine silteme jasap.
Bir apta ishinde politseiler, epidemiologtar, volonterler, jergilikti atqarýshy organ ókilderinen quralǵan mobildi top Nur-Sultan qalasynda 227 karantin tártibin buzý faktisin tirkedi.
Onyń 146-sy maska taǵý men áleýmettik qashyqtyqty saqtaý syndy mindetti talaptar bolsa, 81-i tyiym salynǵan ýaqytta qyzmetin jalǵastyrǵan kásipkerlerge qatysty.
Qazirgi ýaqytta astanada monitoring jasaityn 16 mobildi top bar.
Politseiler oiyn-saýyq oryndary, qoǵamdyq tamaqtaný obektileri, saýna, monsha, attraktsiondardy tekserip, olardyń ielerine karantin erejeleri týraly eskertedi. Sonymen qatar karantin erejesin buzý faktilerin anyqtaidy.
Nur-Sultan qalasynyń politsiia departamenti azamattardy qoǵamdyq oryndardaǵy erejege jaýapkershilikpen qarap, sanitariia talaptaryn saqtaýǵa shaqyrady.
Koronavirýs taralmas úshin politseiler men volonterler turǵyndarǵa karantin tártibin saqtaý men jeke qorǵanys quraldaryn taǵýdyń mańyzy jóninde túsindirý jumystaryn júrgizedi.
