نۇر-سۇلتان قالاسىنىڭ موبيلدٸ توپتارى بٸر اپتادا 227 كارانتين ەرەجەسٸن بۇزۋ فاكتٸسٸن تٸركەدٸ, دەپ حابارلايدى "ۇلت اقپارات" ەلوردالىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
بٸر اپتا ٸشٸندە پوليتسەيلەر, ەپيدەميولوگتار, ۆولونتەرلەر, جەرگٸلٸكتٸ اتقارۋشى ورگان ٶكٸلدەرٸنەن قۇرالعان موبيلدٸ توپ نۇر-سۇلتان قالاسىندا 227 كارانتين تەرتٸبٸن بۇزۋ فاكتٸسٸن تٸركەدٸ.
ونىڭ 146-سى ماسكا تاعۋ مەن ەلەۋمەتتٸك قاشىقتىقتى ساقتاۋ سىندى مٸندەتتٸ تالاپتار بولسا, 81-ٸ تىيىم سالىنعان ۋاقىتتا قىزمەتٸن جالعاستىرعان كەسٸپكەرلەرگە قاتىستى.
قازٸرگٸ ۋاقىتتا استانادا مونيتورينگ جاسايتىن 16 موبيلدٸ توپ بار.
پوليتسەيلەر ويىن-ساۋىق ورىندارى, قوعامدىق تاماقتانۋ وبەكتٸلەرٸ, ساۋنا, مونشا, اتتراكتسيونداردى تەكسەرٸپ, ولاردىڭ يەلەرٸنە كارانتين ەرەجەلەرٸ تۋرالى ەسكەرتەدٸ. سونىمەن قاتار كارانتين ەرەجەسٸن بۇزۋ فاكتٸلەرٸن انىقتايدى.
نۇر-سۇلتان قالاسىنىڭ پوليتسييا دەپارتامەنتٸ ازاماتتاردى قوعامدىق ورىندارداعى ەرەجەگە جاۋاپكەرشٸلٸكپەن قاراپ, سانيتارييا تالاپتارىن ساقتاۋعا شاقىرادى.
كوروناۆيرۋس تارالماس ٷشٸن پوليتسەيلەر مەن ۆولونتەرلەر تۇرعىندارعا كارانتين تەرتٸبٸن ساقتاۋ مەن جەكە قورعانىس قۇرالدارىن تاعۋدىڭ ماڭىزى جٶنٸندە تٷسٸندٸرۋ جۇمىستارىن جٷرگٸزەدٸ.
