Elordada Halyqaralyq balalardy qorǵaý kúnine orai «Balalarǵa kúlki syila» aktsiiasy ótip jatyr. 16 maýsymǵa deiin jalǵasatyn osy aktsiia barysynda 18 jasqa deiingi balalar jekemenshik stomatologiialyq klinikalarda tisterin tegin qaratyp, emdete alady, dep habarlaidy elorda ákimdiginiń resmi saity Áleýmettik meditsinalyq saqtandyrý qory Nur-Sultan qalasy boiynsha filialynyń baspasóz qyzmetine silteme jasap.
Meditsinalyq saqtandyrý qory Nur-Sultan qalasy boiynsha filialynyń bastamasymen ótkizilip jatqan bul aktsiiaǵa Qor bazasyndaǵy jeke menshik stomatologiialyq klinikalar qatysýda. Tizimdi myna silteme boiynsha qaraýǵa bolady.
«Mindetti áleýmettik meditsinalyq saqtandyrý júiesinde 18 jasqa deiingi balalar men júkti áielderge josparly stomatologiialyq kómek tegin kórsetiledi. Olardyń arasynda terapevtiń qabyldaýy, tisti jansyzdandyrý, jaqtyń nemese tistiń rentgenografiiasy, himiialyq materialdardan plomba salý, pýlpit pen peridontitti emdeý, tisti hirýrgiialyq jolmen julý, gipoplaziia kezinde tistiń anatomiialyq pishinin tolyq qalpyna keltirý, t.b. qyzmetter kiredi», - KEAQ Nur-Sultan qalasy boiynsha filialynyń direktory Nurlybek Rysqaliuly Qabdyqaparov.
Stomatologiialyq kómek patsienttiń meditsinalyq uiymdy erkin tańdaýy negizinde júzege asyrylady, iaǵni ýchaskelik dárigerdiń joldamasy talap etilmeidi.
MÁMS júiesinde saqtandyrylǵan tulǵanyń statýsy týraly, jarnalar men aýdarymdardy tóleý nemese meditsinalyq kómek alý boiynsha suraqtar týyndaǵan jaǵdaida áleýmettik meditsinalyq saqtandyrý Qorynyń astanalyq filialyna resmi bailanys arnalary arqyly júginýge bolady: fms.kz resmi saity, 1406 bailanys ortalyǵy, Qoldau 24/7 mobildi qosymshasy jáne Telegram-daǵy SaqtandyryBot.
