Elordada azyq-túlik baǵasyn negizsiz kótergen kásipkerler jazalandy, dep habarlaidy "Ult aqparat" elorda ákimdiginiń resmi saityna silteme jasap.
Elordada áleýmettik mańyzy bar azyq-túlikke baǵany negizsiz kótergeni úshin «Interfood», «VkýsMart», «Vstrecha» sýpermarketteriniń basshylary ákimshilik jaýapqa tartyldy. Aiyppul kólemi 100 AEK (265 myń 100 teńge) quraidy.
Áleýmettik mańyzy bar azyq-túlik baǵasynyń negizsiz ósýine jol bermeý jáne sanitarlyq normalardy saqtaý boiynsha ákimdiktiń mobildik toptary, prokýratýra men monopoliiaǵa qarsy organdardyń qyzmetkerleri birlesip reidter júrgizip jatyr. Nur-Sultan qalasynyń ákimdigi áleýmettik mańyzy bar azyq-túlik baǵasynyń negizsiz ósýine jol bermeý, qaladaǵy karantin jáne tótenshe jaǵdai rejimi kezinde sanitarlyq normalardy saqtaý boiynsha sharalar keshenin qabyldady.
«Ainalym shemasy» jobasyna «Magnum», «Astyqjan», «Kenmart», «Small», «Shapaǵat», «Evraziia», «Artem», «Big Shanhai» siiaqty saýda oryndary qatysady.
Elde mynadai taýarlarǵa shekti baǵalar belgilendi: birinshi sortty bidai uny, birinshi sortty unnan jasalǵan bidai nany (pishindi), rojki (ólshenip salynatyn), qaraqumyq jarmasy (dán, ólshenip salynatyn), tazartylǵan kúrish (domalaq dándi, ólshenip salynatyn), siyr eti (súiekti jaýyryn-tós bóligi), taýyq jumyrtqasy (I sanatty), kúnbaǵys maiy, as tuzy («ekstra»-dan basqa). Sýpermarketterde, dúkenderde arnaiy belgiler ornatyldy, satyp alýshylar arasyndaǵy araqashyqtyq 1 metr bolýy qajet. Mindetti túrde kezek saqtalýy kerek. Sanitaizerler ornatyldy. Barlyq azyq - túlik nysandary sanitarlyq normalardy qatań saqtaýǵa mindetti.
Tártipbuzýshylyq faktileri anyqtalǵan jaǵdaida aiyppul salynyp, nysan jumysyn toqtatady.
