Elorda turǵyny avtobýs salonynda kámelet jasqa tolmaǵan qyzǵa tiiskeni úshin on táýlikke qamaldy, dep habarlaidy Sputnik Qazaqstan.
Resmi málimetke sáikes, 19 mamyrda keshki saǵat 20:12 kezinde Saryarqa aýdandyq politsiia basqarmasyna avtobýsqa mingen er adam týraly aqparat tústi. Ol kámelet jasqa tolmaǵan qyzdyń qyr sońynan qalmai, tiisken. Tártip saqshylary birden izdestirý sharalaryna kirisip, kóp uzamai 33 jastaǵy er adamdy ustady.
"Oǵan qatysty Ákimshilik quqyq buzýshylyq týraly kodekstiń 434-baby boiynsha hattama rásimdeldi. Mamandandyrylǵan aýdanaralyq ákimshilik sotynyń sheshimimen ol 10 táýlikke qamaldy", - deidi politseiler.
Departament mamandary zańsyz áreketter boiynsha birden "102"-ge habarlasýǵa keńes berdi.
Aita keteri, 434-bapta usaq buzaqylyq úshin jaza qarastyrylǵan. Atap aitqanda, qoǵamdyq oryndarda bylapyt sóileý, jeke tulǵalarǵa qorlap tiisý, turǵyn úi-jailardy qorlaý jáne ainalasyndaǵylarǵa syilamaýshylyqty bildiretin, qoǵamdyq tártipti jáne jeke tulǵalardyń tynyshtyǵyn buzatyn basqa da osyndai áreketter 5 ailyq eseptik kórsetkish mólsherinde aiyppul salýǵa ne on táýlikke deiingi merzimge ákimshilik qamaýǵa alýǵa ákep soǵady. Al bul áreketter bir jylda qaitalansa, 15 táýlikke jaýyp tastaidy.
