Nur-Sultan qalasy Politsiia departamentiniń baspasóz qyzmeti kópqabatty úilerdiń birindegi podezde 29 jastaǵy qyzdyń zorlanǵanyn rastady, dep habarlaidy "Ult aqparat".
Instagram-da taraǵan aqparatta oqiǵanyń keshe bolǵany aitylady.
«Shamamen saǵat 21:00 Saraishyk 5/1 kóshesinde shýly oqiǵa boldy. Kýágerlerdiń aitýynsha, 40-50 jas shamasyndaǵy mas adam sóilei almaityn qyzdy zorlamaq bolǵan. Oqiǵa ornynda bolǵandardyń aitýynsha, qyz tserebraldy sal aýrýyna shaldyqqan», - dep jazylǵan áleýmettik jelide taraǵan video týraly.
Bul málimetti Nur-Sultan qalasy Poltsiia departamentiniń baspasóz qyzmeti ishinara rastady.
«Politsiiaǵa úidiń 29 jastaǵy turǵynyn podezde belgisiz er adam zorlaǵany týraly habarlama kelip tústi. Politsiia qyzmetkerleri qylmys jasady degen kúdikpen 47 jastaǵy kúdiktini ustady. Atalǵan fakti boiynsha qylmystyq is qozǵalyp, tergeý amaldary júrgizilýde. Qajetti saraptamalar taǵaiyndaldy», - dep jazylǵan departamenttiń resmi aqparatynda.
