Kókshetaý qalasy arqyly «Nur-Sultan – Petropavl» tasjolynyń 69 shaqyrymyndaǵy tájiribe-eksperimenttik aýmaqta «Qazavtojol» UK» AQ «UneedUs» kompaniiasymen jáne QR Indýstriia jáne infraqurylymdyq damý ministrliginiń Jol aktivteri ulttyq sapa ortalyǵymen birlesip, innovatsiialyq CONFIX materialyn aprobatsiialady.
«CONFIX polimerli betony tsementbetondy jabyndydaǵy shuryq-tesik pen shuńqyrlardy jóndeýge arnalǵan. «UneedUs» kompaniiasynyń aqparatynsha, bul sońǵy ónertabystardyń biri. Jańashyldyǵyn aitar bolsaq, fraktsiialanǵan qum men tsementten quralǵan jáne túrli polimerler qosylǵan qurǵaq qospa túrindegi material.
CONFIX modifikatsiialanǵan materialy sýmen aralastyrylǵanda tez qatady. Negizinen jabyndysy betonnan bolatyn aerodromdar men avtojoldardaǵy túrli aqaýlardy joiý úshin qoldanylady. Máselen, shuńqyrlar men oidym-oidym tesikterdi jóndeýde paidalanylady»,-delingen QR Indýstriia jáne infraqurylymdyq damý ministrliginiń resmi saitynda.
Qazir joldyń tájiribe-eksperimentik aýmaǵynda zertteýler men baqylaýlar júrgizilip jatyr. Oń nátije bolǵan jaǵdaida atalǵan tehnologiia respýblikalyq mańyzy bar avtomobil joldaryndaǵy ortasha jóndeý jumystaryna engizilmek.
«Eske sala keteiik, elimizdiń avtojol salasynda jańa tehnologiialar men materialdardy engizý jumysy belsendi júrgizilýde. Jumys materialdy jumsaý men jol konstrýktsiialarynyń ózindik qunyn tómendetip, beriktik minezdemelerin arttyrýǵa jáne jóndeýaralyq merzimin ulǵaitýǵa baǵyttalǵan» - delingen habarlamada.
