Nur-Sultandaǵy "QazMunaiGaz" AQ shtab-páteri elektron saýda alańynda 11,7 milliard teńgege aýktsionǵa qoiyldy, - dep habarlaidy Tengrinews.kz.
"QazMunaiGaz" UK" AQ-nyń múliktik kesheni (V, S, E bloktarynan turatyn ákimshilik ǵimarat), Nur-Sultan qalasy, Qabanbai batyr dańǵyly, 19-úi mekenjaiy boiynsha ornalasqan. Baǵalaý quny: 11 726 860 000 teńge. Baǵalaý kúni: 2021 jylǵy 30 qyrkúiek", - delingen satylý nysanynyń sipattamasynda.
Foto: Elektron saýda alańy
Nysannyń jalpy aýdany - 24 jer ýchaskesi 21 316 sharshy metr. Bul 0,543 gektar jerde ornalasqan. Baǵalaýshy – Crowe Tax and Advisory KZ JShS.
20 qabatty keshen keńse jáne qosalqy bólmelerden turady. Ǵimaratta ashana men meiramhana bar. Bul baǵaǵa jer telimderi, kúzet beketteri, trotýarlar men avtoturaqtar kiredi.
Saýda-sattyq 31 tamyzda bastalady. Aýktsion baǵany kóterý formatynda ótedi.
Eske salaiyq, 16 naýryzda Petropavl áýe ailaǵy satylymǵa shyǵarylǵan edi. Áýejaidyń bastapqy quny - 5,6 milliard teńge.
