«Air Astana» áýe kompaniiasy Reseimen aradaǵy turaqty reisterdi qalpyna keltiredi, dep habarlaidy "Ult aqparat".
Áýe kompaniiasynyń Nur-Sultannan Máskeýge (Domodedovo) tikelei reisteri 2020 jyldyń 26 qyrkúieginen bastap aptasyna bir ret - sársenbi kúnderi (Boeing 767 laineri) jasalady.
Nur-Sultannan ushaq saǵat 21.40-ta ushyp shyǵyp, Máskeýge 22.15-te jetedi.
Máskeýden ushaq 23.15-te ushyp, Nur-Sultanǵa saǵat 05: 35-te ushyp keledi.
«Ázirge bul reiske tek Qazaqstan men Resei Federatsiiasynyń azamattary jáne QR-da turýǵa yqtiiarhaty bar adamdar qabyldanady. Máskeýge baratyn qazaqstandyqtar saýalnamadan ótip, qolynda reisten ári ketkende 3 kún buryn jasalǵan koronavirýs juqtyrmaǵany týraly PTR-testiniń anyqtamasy bolýy kerek. Eńbek etý maqsatymen baratyn azamattar eki apta ishinde úidegi karantinde otyrýy tiis», - dep habarlaidy «Air Astana» áýe kompaniiasynan.
Máskeýge baratyn Resei azamattary bilet satyp alǵanymen, reiske tirkelýge deiin «Memlekettik qyzmetter» portalynda saýalnama toltyrýy kerek. Oǵan qosa 72 saǵat ishinde Resei azamattary koronavirýs bar-joǵyn anyqtaityn PTR-testiden ótip, nátijesin «Memlekettik qyzmetter» portalyna salyp qoiýy kerek.
Reseilik jolaýshylar Qazaqstanǵa kelgennen keiin 48 saǵat ishinde koronavirýs tekseretin testiden nemese 14 kúndik úidegi karantinnen ótýi tiis. Eger Qazaqstanǵa kirgende osyndai anyqtamany alǵanyna 5 kún ótpegen jaǵdaida, ony Qazaqstanda qaita aldyrýdyń qajeti joq. Úshinshi elderge Máskeý arqyly tranzitke ýaqytsha tyiym salynǵan.
Eske sala ketsek, buǵan deiin Syrtqy ister ministrligi qazaqstandyqtar ushyp bara alatyn memleketterdiń tizimin jariialaǵan edi. Ol elderdiń qatarynda Belarýs, Birikken Arab Ámirlikteri, Germaniia, Mysyr, Niderland Koroldigi, Koreia Respýblikasy, Qyrǵyzstan, Ózbekstan, Túrkiia, Ýkraina jáne Resei bar.
