Indýstriia jáne infraqurylymdyq damý ministrligi Alakól baǵytyndaǵy temirjol baǵyttarynyń tizimin bekitti, dep habarlaidy "Ult aqparat".
Biyl jazda Almaty men Nur-Sultandy «Dostyq» stansasymen jalǵaityn jańa poiyz jolǵa shyǵady. Bul týraly QR IIDM Kólik komitetiniń tóraǵasy Samat Ǵylymov vedomstvonyń Telegram-kanalynda aitty.
«Indýstriia jáne infraqurylymdyq damý ministrligi Almaty jáne Nur-Sultan qalalarynan Alakólge qatynaityn poiyzdar men tirkeme vagondardyń sanyn arttyrý boiynsha maqsatty túrde jumys júrgizip otyr.
17 maýsymnan bastap halyqtyń suranysyn qanaǵattandyrý úshin aptasyna úsh ret «Almaty-Dostyq» poiyzy qatynai bastaidy.
Sondai-aq, jaz mezgilinde Nur-Sultan–Dostyq poiyzy jolǵa shyǵarylady», - deidi komitet tóraǵasy.
Ministrlik bekitken Alakólge qatynaityn temirjol baǵyttarynyń tizimi mynadai:
1. № 453/454 «Almaty-2–Dostyq», jaz boiy, aptasyna 3 ret;
2. «Qyzylorda–Semei» baǵytyndaǵy №21/22 poiyz quramynda «Almaty–Dostyq» reisi, jaz maýsymynda, kún saiyn 8 tirkemeli vagon júredi;
3. № 258/257 «Nur-Sultan–Dostyq», jaz boiy, aptasyna 2 ret;
4. № 54/53 «Nur-Sultan–Dostyq», aptasyna 2 ret;
5. №121/122 «Nur-Sultan–Semei», jaz boiy, kún saiyn 6 tirkemeli vagon;
6. «Almaty–Dostyq» qatynasyndaǵy jańa jolaýshylar poiyzy (10 vagon), 2021 jyldyń maýsymynan bastap aptasyna 3 ret.
Eske salaiyq, biylǵy jazda astanadan Alakólge aptasyna 3 ret poiyz júretini týraly Premer-Ministrdiń birinshi orynbasary Álihan Smaiylovtyń tóraǵalyǵymen ótken jiynda aitylǵan bolatyn.
Sondai-aq buǵan deiin habarlaǵanymyzdai, Úrjar aýylyndaǵy áýejaida kúrdeli jóndeý júretindikten, Alakóldiń Shyǵys Qazaqstandaǵy bóligine qatynaityn temirjol jáne avtobýs reisteriniń sany arttyrylady.
