Nur-Sultan jáne Almaty qalalaryndaǵy áskeri gospitaldar COVID-19 statsionaryna ainaldy, dep habarlaidy "Ult aqparat" QR Qorǵanys ministrliginiń baspasóz qyzmetine silteme jasap.
Baspasóz qyzmetiniń derekterine qaraǵanda, Qorǵanys ministrliginiń apparat keńesinde ótken aptada atqarylǵan jumystar qorytyndylanyp, taiaý kezeńge mindetter aiqyndaldy.
Bas qolbasshylar men qolbasshylar ótkizip jatqan jaýyngerlik daiarlyq is-sharalar, «Altyn jebe» arnaiy operatsiialar kúshterin tekserý barysy, Qurlyq áskerleri oqý-jattyǵý ortalyǵynyń kishi mamandaryn daiyndaý men olardyń áskeri bólimderge bólý týraly baiandady.
Qorǵanys vedomstvosynyń basshysy Qarýly Kúshterdiń túrli bólimderi men bólimsheleriniń jaýyngerlik oqý-jattyǵýy barysynda ózara is-qimyl máselelerin pysyqtaýǵa nazar aýdardy.
Atap aitsaq, Áskeri-teńiz kúshteriniń bas qolbasshysyna áskeri mindetterdi oryndaýda, oqý-jattyǵýlar men atys júrgizý kezinde Qurlyq áskerlerimen neǵurlym ózara tyǵyz is-qimyldy uiymdastyrýǵa nusqaý berldi.
Elimizdiń batys óńirlerine jumys babymen barǵan kezde Qorǵanys ministri, áskeri obektilerdiń ústinen drondar men ushqyshsyz ushý qurylǵylarynyń ruqsatsyz ushýyna jol bermeý sharalaryn kúsheitý týraly mindetter qoidy. Osy maqsatta táýliktik nariad adamdarynyń qyraǵylyǵyn arttyrý, drondarǵa qarsy myltyqtardy, radioelektrondyq kúres quraldaryn, sondai-aq qarýly mobildi toptardy qoldaný jaiy talqylandy.
Kúnniń jylynýyna qarai, sý tasqyny, sondai-aq, taýly jerlerde qar kóshkininiń oryn alýy múmkin. Osyǵan bailanysty, bas qolbasshylarǵa Tótenshe jaǵdailar ministrliginiń óńirlik bólimshelerimen ózara turaqty is-qimyldy uiymdastyrý, tabiǵi appattardyń saldaryn joiý úshin jumyldyrylýǵa tiisti kúshter men quraldardyń esebin naqtylaý tapsyryldy. Buǵan aýyr áskeri kólikter, neǵurlym daiarlanǵan áskeri qyzmetshiler men áskeri-meditsinalyq personal tartylady.
Budan basqa da, áskeri qalashyqtardaǵy turǵyndardyń jáne jaýyngerlik daiarlyq sabaqtary ótkiziletin aýdandardaǵy, ásirese taýly jerlerdegi jeke quramnyń qaýipsizdigin qamtamasyz etý mindeti qoiyldy.
Densaýlyq saqtaý ministrliginiń suraýyna sáikes, ótken jyldaǵydai infektsiialyq statsionar retinde elordadaǵy Bas áskeri klinikalyq gospital men Almatydaǵy áskeri-klinikalyq gospital jabdyqtaldy. Onda jalpy 300 tósek ornalastyrylǵan. Bas áskeri-meditsinalyq basqarma bastyǵynyń aitýynsha, mekemeler alǵashqy patsientterdi qabyldai bastady.
Barlyq áskeri gospitaldar men aýrýhanalardyń COVID-19-ǵa qarsy is-sharalarda qorǵanys vedomstvosynyń basshysy, halyqtyń densaýlyǵyn saqtaýǵa kómektesý úshin daiyndyq júrgizýdi tapsyrdy.
Ótken jyldyń tájiribesin eskere otyryp sondai-aq, áleýmettik mańyzy bar nysandardy dezinfektsiialaý úshin RHBZ áskerleriniń bólimsheleri men áskeri tehnikasyn jumyldyrý múmkindigine nazar aýdaryldy.
