Nur-Sultan men Almaty arasyndaǵy reisterge endi tsifrlyq qujattardy paidalanýǵa bolady, dep habarlaidy «Nursultan Nazarbaev» halyqaralyq áýejaiynyń baspasóz qyzmeti.
Búgin QR Indýstriia jáne infraqurylymdyq damý ministrligi QR Tsifrlyq damý ministrligimen, «Qazaqstannyń aviatsiialyq ákimshiligi» AQ, Nur-Sultan jáne Almaty qalalarynyń áýejailarymen birlesip, «Air Astana» áýe kompaniiasynyń Nur-Sultan-Almaty jáne Almaty-Nur-Sultan baǵyttaryndaǵy reisterinde tsifrlyq qujattardy paidalaný jónindegi pilottyq jobany iske qosty.
Búginnen bastap elektrondyq jeke kýálikti EGOV mobile qosymshasy arqyly kórsetilgen áýejailarda tirkeý, tekserý jáne otyrǵyzý pýnktterinde qoldanýǵa bolady.
Degenmen, jolaýshylarda jeke kýálikteriniń túpnusqasy da bolǵany jón. Óitkeni, pilottyq joba kezinde tsifrlyq qujattar jolaýshynyń mártebesin tekserýdiń balama nusqasy bolady.
EgovMobile-daǵy «tsifrlyq qujattar» qyzmetimen generatsiialanǵan QR-code esepteý boiynsha «E-document» baǵdarlamalyq qamtamasyz etý júiesi Nursultan Nazarbaev halyqaralyq áýejaiymen birlesip ázirlendi.
Joba Memleket basshysynyń jeke kýálikter, diplomdar men quqyqtardy elektrondyq túrde berý jónindegi protsesterdi tsifrlandyrý jáne memlekettik organdardyń jumysyna engizý jónindegi tapsyrmasyn oryndaý maqsatynda engizildi.
