Elordada jylý energiiasyn berý jáne taratý tarifi jariialandy, dep habarlaidy QazAqparat.
«2021-2025 jyldarǵa arnalǵan tariftik smeta jobasyna sáikes jylý energiiasyn berý jáne taratý tarifi: 2021 jyly - bir gigakaloriia úshin 1691 teńge; 2022 jyly - bir gigakaloriia úshin 1 941 teńge; 2023 jyly - bir gigakaloriia úshin 1 989 teńge; 2024 jyly - bir gigakaloriia úshin 2023 teńge; 2025 jyly - bir gigakaloriia úshin 2 094 teńge. 2021 jylǵa arnalǵan tariftiń ósýi 2020 jylǵy tarifke qaraǵanda 39,4%, 2022 jyly 2021 jylǵa arnalǵan tarifke qaraǵanda 14,8% kóp bolady. Esepteýlerde infliatsiia indeksi Qazaqstan Respýblikasynyń áleýmettik-ekonomikalyq damý boljamyna sáikes qoldanyldy: 2021 jyly 6%; 2022 jyldan 2025 jylǵa deiin jyl saiyn 5% bolmaq», - deidi «Astana-Teplotranzit» AQ Basqarma tóraǵasynyń ekonomika jáne qarjy jónindegi orynbasary Qanat Mýkin.
Onyń aitýynsha, «Astana-Teplotranzit» AQ-nyń 2019 jylǵy negizgi qyzmetindegi qarjylyq shyǵyny 749 million teńge bolǵan. 2020 jyly negizgi qyzmettiń nátijeleri boiynsha boljamdy shyǵyn 1 milliard 15 million teńgeni quraidy. Bul, eń aldymen, bekitilgen tariftik smetanyń qyzmettiń retteletin túrin júzege asyrýmen bailanysty shyǵyndardyń jekelegen baptaryn tolyq ótemeitindigimen bailanysty jáne naqty shyǵyndardyń tariftik smetada bekitilgennen asyp ketýine bailanysty kásiporynnyń qajetti kirisin qamtamasyz ete almaidy.
2016-2020 jyldarǵa arnalǵan uzaq merzimdi kezeńge arnalǵan tariftik shektiń aiaqtalýyna bailanysty Kompaniia 2021-2025 jyldarǵa arnalǵan tariftik shekti bekitý týraly ótinishpen ýákiletti organǵa júgindi.
Qanat Mýkin jylý energiiasyn berý jáne taratý tarifiniń kútiletin ósýi birneshe faktorlarǵa bailanysty ekenin atap ótti.
«Birinshi, «Nurly jol» memlekettik infraqurylymyn damytý baǵdarlamasy aiasynda jylýmen jabdyqtaý nysandarynyń qurylysy úshin alynǵan nesie boiynsha negizgi qaryzdy tóleýge shyǵyndardy qosý. Ekinshi, kompaniia balansyna jylýmen jabdyqtaý nysandaryn, onyń ishinde Nur-Sultan qalasy ákimdiginiń memlekettik mekemelerin, jumys istemeitin jelilerdi berý, sondai-aq 2021-2022 jylǵy «Nurly jol» memlekettik baǵdarlamasy jalpy somasy 33 mlrd.teńgege salynǵan nysandardy paidalanýǵa berý. Úshinshi, qyzmet kórsetiletin jylý jelileriniń uzyndyǵynyń artýy. 2025 jyly jylý jelileriniń uzyndyǵy 100 shaqyrymǵa ulǵaiyp, 940 shaqyrymdy quraidy. Tórtinshi, jumysshylar sanynyń ósýi, bul qyzmet kórsetiletin jylý jelileriniń uzyndyǵymen, jańa sorǵy stantsiialarynyń iske qosylýymen jáne qyzmet kórsetý aimaǵynyń keńeiýimen bailanysty. Besinshi, bógde uiymdardyń materialdyq resýrstaryna jáne qyzmetterine baǵanyń ósýi. Altynshy, negizgi qyzmetten kásiporynnyń shyǵynyn azaitý», - deidi ol.
