Elordada jastar 5-15 myń teńge aralyǵyndaǵy somaǵa páter jaldap tura alady, dep habarlaidy "Ult aqparat".
«Qatysýshylardan mynany eskerýdi suraimyn: ár otbasynyń quramy ár túrli, sondyqtan mártebesi de árqalai bolmaq. Kópbalaly bolsańyz da, úsh bólmeli páterdiń berilmeitinin, tek bir jáne eki bólmeliler taratylatyny eskerý kerek. Turǵyn úi satyp alý, uzartý quqyǵynsyz bes jylǵa beriledi. Iaǵni, bes jyldan keiin biz sizden osy turǵyn úidi bosatýdy suraýǵa májbúr bolamyz, óitkeni biz bul páterlerdi basqa jastarǵa beremiz. Baspanalardyń jaldaityn aqysy aiyna 5-ten 15 myń teńgege deiin bolady. Bári de úidiń sharshy metrine bailanysty. Biz daiyn tizimdi osy jyldyń 10 jeltoqsanynan keshiktirmei ornalastyramyz. Baspanalar jeltoqsan aiynda berile bastaidy», - dedi Nur-Sultan qalasy ákimdiginiń Turǵyn úi qorynyń direktory Nursulý Qojahmetova elordada ótken baspasóz máslihatynda.
Aita ketsek, 5-10 qarasha aralyǵynda elordada jumys isteitin jastardan satyp alý quqyǵynsyz jaldamaly páter boiynsha ótinish qabyldanady.
