Elordadaǵy triatlon saiabaǵynda Qazaqstan Respýblikasy Táýelsizdiginiń 30 jyldyǵyna orai qysqy júgirý jarysy ótti, dep habarlaidy qala ákimdiginiń resmi saity.
«Qysqy jugiru» jarysynyń negizgi qashyqtyǵy 10 shaqyrymdy qurady. Jarysqa 250-ge jýyq qala turǵyny men qonaqtary jáne sport áýesqoilary qatysty.
Is-sharaǵa QR Mádeniet jáne sport vitse-ministri Serik Jarasbaev, MSM Sport jáne dene shynyqtyrý isteri komitetiniń tóraǵasy Samat Erǵaliev, Nur-Sultan qalasynyń triatlon Federatsiiasynyń Prezidenti Erjan Birjanov jáne Nur-Sultan qalasynyń Dene shynyqtyrý jáne sport basqarmasynyń basshysy Samat Jylqybaev qatysyp, berilgen on shaqyrymdy jarys qatysýshylarymen birge baǵyndyrdy.
«Qaiyrly tań, qurmetti jarys qatysýshylary! El Táýelsizdiginiń 30 jyldyǵyna arnalǵan qysqy júgirý jarysyna qosh keldińizder. Elordalyq turǵyndar buqaralyq sportty damytýǵa erekshe kóńil bóledi. Sonyń dáleli búgin mine, qala turǵyndary jáne áýesqoi sportshylar triatlon saiabaǵynda ótip jatqan qysqy júgirýge qatysýda. Barshańyzǵa sáttilik, jeńis tuǵyrynan kórinýlerińizdi tileimin. Aldaǵy kele jatqan merekeler qutty bolsyn!»,- dedi QR Mádeniet jáne sport vitse-ministri Serik Jarasbaev.
«Qysqy jugiru» jarysynyń qatysýshylary 5 jas erekshelikteri boiynsha synǵa tústi. Atap aitaq: 18-29 jas; 30-39 jas; 40-49 jas; 50-59 jas; 60 jas jáne odan joǵary.
"Búgin áýesqoi sportshylardyń basyn biriktirip, jańa jyldyń aldynda júgirý ótkizdik. Qatysýshylardyń sany 250-ge jýyq. Qashyqtyq- 10 km. Maqsaty—qala turǵyndaryn sportqa baýlý. Qazirgidei qiyn kezde sportpen ainalysqan adamdar az aýyrady. Sondyqtan, barlyqtaryńyzdy sportpen shuǵyldanýǵa shaqyramyz",- dedi qalalyq Triatlon Federatsiiasynyń prezidenti Erjan Birjanov.
Jarystyń basty maqsaty – elordada buqaralyq sportty damytý, Nur-Sultan turǵyndary men qonaqtary arasynda salaýatty ómir saltyn nasihattaý, ult densaýlyǵyn jaqsartý.
Aita keteiik, jarys barlyq sanitarlyq normalar men karantin talaptaryn saqtai otyryp ótti.
