Nur-Sultan qalasy ákiminiń orynbasary Baqtiiar Máken qalada qurylysyn salasyndaǵy jumysy jandanǵan nysandar týraly aitty, dep habarlaidy QazAqparat.
«20 sáýirden bastap ónerkásiptik ári indýstrialdyq kásiporyndardyń jumysy jandandy. Atalǵan sektorda 20 myńnan astam adam jumysqa kiristi», - dedi B. Máken Ortalyq kommýnikatsiialar qyzmetinde.
Sonymen qatar qurylys sektoryndaǵy jumystar qarqyn ala bastady.
«20 sáýirdegi jaǵdai boiynsha, 970 nysannyń qurylysy ýaqytsha toqtatylǵan edi. Qurylys qarqyny 153 nysanda saqtaldy, iaǵni bulardyń qyzmetin toqtatý negizsiz boldy. Al 20 sáýirden keiin 500-den astam nysanda qurylys sharalary jandandy. Barsha qurylys kompaniialarymen tiisti sharttarǵa qol qoiyldy. Onda kompaniia basshylary jumysshylardy tasymaldaýǵa, sondai-aq maskamen, qolǵappen jáne antiseptikpen qamtamasyz etýge mindetti ekeni eskerildi», - dedi ákimniń orynbasary.
Onyń sózine qaraǵanda, ashanalarda adamdar bekitilgen qaýipsizdik erejelerin saqtaýǵa mindetti bolady.
«Talaptar saqtalmasa, nysandar jabylady. Birinshi kezeńde qurylys salasynda 40 myńǵa jýyq adam jumysyn jalǵastyrady», - dedi B. Máken.
