Elorda ákimi Altai Kólginov «Saryarqa» magistraldy gaz qubyrynyń qurylysy aiasynda qalada atqarylyp jatqan jumystardyń barysymen tanysty, - dep habarlady Nur-Sultan ákimdiginen.
«Qalany gazdandyrý úsh kezeńnen turady. Qazirgi tańda birinshi kezeń boiynsha qubyrlardy tartý men gazrettegish pýnktterdiń daiyndyq jumystary júrgizilip jatyr. Jobanyń alǵashqy kezeginde JEO-1, 2, 3, «Kóktal-1, 2» turǵyn alaptary, Agroqalashyq, Temirjolshylar kenti, Ońtústik-Shyǵys (oń jáne sol jaq beti) shaǵynaýdanyna deiin gazrettegish jelilerge gaz berý josparlanyp otyr. Úilerdiń sany 13,5 myńdy quraidy» delingen Nur-Sultan ákimdiginiń aqparatynda.
Kelesi kezeń boiynsha Michýrino, Internatsionaldy, Kúigenjar (1-2 PK), Telman (3-shi PK), Qalamańy kenti, Garden Village jáne Family Village-ge (4-shi PK) gaz tartylady.
Úshinshi kezekte Ilinka (1-2-shi PK), Shubar (3-PK), Óndiris (4-shi PK) turǵyn alaptary gazdandyrylatyn bolady.
«Gaz júrgizý – qalaǵa ziiandy qaldyqtardyń shyǵarylýyn 6 esege, qatty qaldyqtardy 40 myń tonnaǵa deiin azaitýǵa septigin tigizedi» dedi ákimdikten.
