Nur-Sultan qalasynyń Bilim basqarmasy №54 orta mekteptegi gazdan ýlaný oqiǵasyna túsinikteme berdi, dep habarlaidy "Ult aqparat".
«Besinshi synypta oqityn qyz bala ata-anasy bergen gaz ballonyn mektepke alyp kelgen. Úziliste ballon sómkeden túsip qalǵan jáne ony synyptasy baiqaýsyzda basyp ketken. Sonyń saldarynan gaz synyp ishine taraldy», - delingen bilim basqarmasynyń habarlamasynda.
Mektep qyzmetkerleri jedel járdem qyzmetin shaqyryp, balalar aýrýhanaǵa jetkizilgen. Olar meditsinalyq tekserýden ótkende, synyp jetekshisi qasynda bolǵan.
Jaǵdai jaqsarǵan soń, balalardy ata-analar aýrýhanadan alyp ketti.
«Balalar ambýlatoriialyq em alýdy jalǵastyrady. Oqiǵadan keiin mektepte qaýipsizdik erejelerin saqtaý týraly synyp saǵaty uiymdastyrylady. Ata-analarǵa da tiisti usynymdar beriledi», - deidi basqarmanyń baspasóz qyzmeti.
Eske sala ketsek, astanalyq №54 orta mekteptiń 9 oqýshysy gazdan ýlanyp, aýrýhanaǵa tústi. Olardan jótel, bas ainalý, kózden jas aǵý, álsizdik belgileri baiqalǵan.
