نۇر-سۇلتان قالاسىنىڭ بٸلٸم باسقارماسى №54 ورتا مەكتەپتەگٸ گازدان ۋلانۋ وقيعاسىنا تٷسٸنٸكتەمە بەردٸ, دەپ حابارلايدى "ۇلت اقپارات".
«بەسٸنشٸ سىنىپتا وقيتىن قىز بالا اتا-اناسى بەرگەن گاز باللونىن مەكتەپكە الىپ كەلگەن. ٷزٸلٸستە باللون سٶمكەدەن تٷسٸپ قالعان جەنە ونى سىنىپتاسى بايقاۋسىزدا باسىپ كەتكەن. سونىڭ سالدارىنان گاز سىنىپ ٸشٸنە تارالدى», - دەلٸنگەن بٸلٸم باسقارماسىنىڭ حابارلاماسىندا.
مەكتەپ قىزمەتكەرلەرٸ جەدەل جەردەم قىزمەتٸن شاقىرىپ, بالالار اۋرۋحاناعا جەتكٸزٸلگەن. ولار مەديتسينالىق تەكسەرۋدەن ٶتكەندە, سىنىپ جەتەكشٸسٸ قاسىندا بولعان.
جاعداي جاقسارعان سوڭ, بالالاردى اتا-انالار اۋرۋحانادان الىپ كەتتٸ.
«بالالار امبۋلاتورييالىق ەم الۋدى جالعاستىرادى. وقيعادان كەيٸن مەكتەپتە قاۋٸپسٸزدٸك ەرەجەلەرٸن ساقتاۋ تۋرالى سىنىپ ساعاتى ۇيىمداستىرىلادى. اتا-انالارعا دا تيٸستٸ ۇسىنىمدار بەرٸلەدٸ», - دەيدٸ باسقارمانىڭ باسپاسٶز قىزمەتٸ.
ەسكە سالا كەتسەك, استانالىق №54 ورتا مەكتەپتٸڭ 9 وقۋشىسى گازدان ۋلانىپ, اۋرۋحاناعا تٷستٸ. ولاردان جٶتەل, باس اينالۋ, كٶزدەن جاس اعۋ, ەلسٸزدٸك بەلگٸلەرٸ بايقالعان.
