Elordada taǵy eki vaktsinatsiia aimaǵy ashyldy. Azamattardy KVI-ǵa qarsy vaktsinatsiiamen qamtý maqsatynda egý pýnkteri «Nurly jol» temirjol vokzalynda (jańa vokzal) jáne Nursultan Nazarbaev halyqaralyq áýejaiynda uiymdastyryldy, dep habarlaidy "Ult aqparat" ákimdiktiń saityna silteme jasap.
Osy tarmaqtarda birinshi jáne ekinshi komponentti ekpeni alýǵa bolady. Vaktsinanyń qolda bar dozalaryn saldyrýǵa múmkindik bar.
Búgingi tańda elordada ekpeniń 3 túri bar: reseilik «Spýtnik V», otandyq QazVac vaktsinasy jáne qytailyq Sinopharm VeroCell preparaty.
«Jalpy, qalada birinshi komponentpen tiisti kontingenttiń 66%-dan astamy qamtylǵan. Osy jumysty jaqsartý jáne halyqty kóbirek qamtý maqsatynda biz vaktsinatsiia pýnkterin taǵy eki uiymda – kóptegen azamattar jinalatyn jerlerde ornalastyramyz», - dep atap ótti basqarmadan.
«Nurly jol» vokzalyndaǵy vaktsinatsiia aimaǵy 4-qabatta, áýejaida 1-qabatta halyqaralyq jáne ishki terminal arasyndaǵy ótkelde ornalasqan.
Jumys kestesi - kún saiyn saǵat 10:00-den 20: 00-ge deiin.
«Koronavirýsqa qarsy ekpe alýda halyqqa qolaily bolý úshin barlyq sharalar qabyldandy. Azamattar ekpeniń kómegimen ǵana pandemiiany jeńe alatynymyzdy este saqtasa eken deimin. Biz infektsiiany jeńýge jaqyndap qaldyq deýge bolady, biraq virýs áli de bar. Barlyǵy ózimizdiń qolymyzda– vaktsinatsiiaǵa sanaly qarym-qatynas tanytý, koronavirýs aýrýyn taratpaý azamattyq mindetimiz», - dep atap ótti vedomstvoda.
Qazirgi ýaqytta qala boiynsha saýda oiyn-saýyq ortalyqtary jáne saýda úileri janynda 5 vaktsinatsiia pýnkti ornalasqan: «Kerýen», «Han Shatyr», «Aziia Park», «Abý Dabi Plaza» saýda oiyn-saýyq ortalyqtary jáne «Evraziia» saýda ortalyǵy.
Vaktsinatsiia pýnkteri meditsinalyq mekemelerde de ornalasqan.
Barlyǵy 84 vaktsinatsiia pýnkti, sondai-aq eńbek ujymdaryn vaktsinatsiialaý úshin kóshpeli brigadalar jumysyn jalǵastyrýda.
