Jyl sońyna deiin respýblikalyq mańyzy bar qalalarda 5G paida bolady. Bul týraly QR Tsifrlyq damý, innovatsiialar jáne aeroǵarysh ónerkásibi ministrligi telekommýnikatsiia komiteti tóraǵasynyń orynbasary Zúlfiia Qudaibergenova málim etti, dep habarlaidy QazAqparat.
«Qazirgi ýaqytta Nur-Sultan, Almaty jáne Shymkent qalalarynda 5G testileýden ótip jatyr. Pilottyq rejimdegi testileý jyl sońyna deiin aiaqtalyp, atalǵan qalalarda 5G tolyq engiziletini josparlanyp otyr. 5G-di engizý aýktsion arqyly elimizdegi barlyq bailanys operatorlarynyń qatysýymen ótedi. Qatysýshy operatorlarǵa arnalǵan talap bar. Aldymen respýblikalyq mańyzy bar 3 qalada engiziletini kózdelgen. Al 2024 jylǵa deiin oblys ortalyqtaryn 5G-men qamtý josparda bar», - dedi Zúlfiia Qudaibergenova elordada bailanys taqyrybyna arnalǵan ashyq esik kúninde.
Onyń aitýynsha, ázirge aýyldy jerlerdi 5G-men qamtý týraly sóz qozǵaýǵa erte.
Sondai-aq spiker «Qazaqstanda 5G engizilse internet baǵasy ózgerýi múmkin be?» degen saýalǵa jaýap berdi.
«Joq, baǵa qymbattamaidy. Jalpy halyq úshin 4G internetiniń kúshi jetkilikti. 5G negizinen «aqyldy» qalalar men kásiporyndar úshin qajet. Iaǵni joǵary sapaly internetpen bir sátte birneshe jelini qosyp jumys isteýge bolady», - deidi ol.
