Elorda basshysy Altai Kólginov "Habar 24" arnasyndaǵy "Interviý" baǵdarlamasynda qonaq bop, jalaqysy qansha ekenin, sondai-aq áleýmettik jelidegi paraqshasyn kim júrgizetinin aityp berdi, dep jazady Sputnik.
"Batys Qazaqstan oblysynyń ákimi bolǵan kezde jalaqyńyz 762 myń teńge ekeni týraly aqparat shyqty. Elordaǵa kelgen soń kóbeidi me?" – dep surady tilshi Kólginovten.
"Jalaqym burynǵydai. Degenmen eńbek ótiline bailanysty joǵarylaitynyn bilesiz ǵoi. Birdei jumys bolǵanymen, elordada aýqymdyraq", - dep jaýap berdi qala basshysy.
Onyń aitýynsha, astanaǵa otbasymen birge kóship kelipti.
"Buryn munda 11 jyl turǵan edim, sol sebepti týǵan qalam siiaqty. Otbasym osynda, 1 qyrkúiekte balalarym sabaqqa barady", - dedi ol.
Sondai-aq ákim áleýmettik jelidegi paraqshalaryn ózi júrgizetinin aitty.
Altai Kólginov 2019 jyly maýsymda elorda tizginin qolǵa aldy. Oǵan deiin Batys Qazaqstan oblysy ákimi bolyp istegen edi.
