ەلوردا باسشىسى التاي كٶلگٸنوۆ "حابار 24" ارناسىنداعى "ينتەرۆيۋ" باعدارلاماسىندا قوناق بوپ, جالاقىسى قانشا ەكەنٸن, سونداي-اق ەلەۋمەتتٸك جەلٸدەگٸ پاراقشاسىن كٸم جٷرگٸزەتٸنٸن ايتىپ بەردٸ, دەپ جازادى Sputnik.
"باتىس قازاقستان وبلىسىنىڭ ەكٸمٸ بولعان كەزدە جالاقىڭىز 762 مىڭ تەڭگە ەكەنٸ تۋرالى اقپارات شىقتى. ەلورداعا كەلگەن سوڭ كٶبەيدٸ مە?" – دەپ سۇرادى تٸلشٸ كٶلگٸنوۆتەن.
"جالاقىم بۇرىنعىداي. دەگەنمەن ەڭبەك ٶتٸلٸنە بايلانىستى جوعارىلايتىنىن بٸلەسٸز عوي. بٸردەي جۇمىس بولعانىمەن, ەلوردادا اۋقىمدىراق", - دەپ جاۋاپ بەردٸ قالا باسشىسى.
ونىڭ ايتۋىنشا, استاناعا وتباسىمەن بٸرگە كٶشٸپ كەلٸپتٸ.
"بۇرىن مۇندا 11 جىل تۇرعان ەدٸم, سول سەبەپتٸ تۋعان قالام سيياقتى. وتباسىم وسىندا, 1 قىركٷيەكتە بالالارىم ساباققا بارادى", - دەدٸ ول.
سونداي-اق ەكٸم ەلەۋمەتتٸك جەلٸدەگٸ پاراقشالارىن ٶزٸ جٷرگٸزەتٸنٸن ايتتى.
التاي كٶلگٸنوۆ 2019 جىلى ماۋسىمدا ەلوردا تٸزگٸنٸن قولعا الدى. وعان دەيٸن باتىس قازاقستان وبلىسى ەكٸمٸ بولىپ ٸستەگەن ەدٸ.
