Nur-Sultan ákimdiginde birqatar kadrlyq taǵaiyndaýlar júrgizildi. Ákimniń orynbasary Malika Bekturovanyń basqa jumysqa aýysýyna bailanysty Nur-Sultan qalasy ákiminiń orynbasary taǵaiyndaldy. Prezident Ákimshiliginiń kelisimi boiynsha 37 jastaǵy Erlan Bekmurzaev ákimniń orynbasary boldy, dep habarlaidy qala ákimdiginiń resmi internet-resýrsy.
Ol eńbek jolyn 2007 jyly Astana qalasynyń Jumyspen qamtý jáne áleýmettik baǵdarlamalar departamentiniń mamany qyzmetinen bastaǵan. Ár jyldary Indýstriia jáne jańa tehnologiialar ministrliginde sarapshy bolyp jumys istedi. 2017 jyldan 2021 jylǵa deiin elordanyń Investitsiialar jáne damý basqarmasynyń orynbasary, basshysy bolyp jumys istedi. 2021 jyldan Nur-Sultan qalasyndaǵy Almaty aýdanynyń ákimi. Memlekettik qyzmettegi jalpy eńbek ótili 15 jyldy quraidy.
40 jastaǵy Nurbol Nursaǵatov Prezident Ákimshiliginiń jáne qalalyq máslihat depýtattarynyń kelisimi boiynsha Almaty aýdanynyń ákimi bolyp taǵaiyndaldy. Ol 2004-2005 jyldary QR Indýstriia jáne saýda ministrligi Qurylys komitetiniń jetekshi mamany, bas mamany bolyp jumys istedi. 2005 jyldan 2008 jylǵa deiin Astana qalasy ákimdiginiń memlekettik sáýlet-qurylys baqylaý basqarmasynyń bas mamany, bólim basshysy, direktordyń orynbasary bolyp jumys istedi. 2008-2011 jyldary Astana qalasy ákimdiginiń qurylys basqarmasy basshysynyń orynbasary boldy. 2011-2012 jyldary QR Aýyl sharýashylyǵy ministrliginiń Sý resýrstary komiteti tóraǵasynyń orynbasary qyzmetin atqardy.
2014-2019 jyldar aralyǵynda Nurbol Nursaǵatov ShQO ákimdiginiń Kólik jáne avtomobil joldary basqarmasynyń, Almaty qalasy ákimdiginiń qurylys basqarmasynyń jáne Nur-Sultan qalasy ákimdiginiń Qorshaǵan ortany qorǵaý basqarmasynyń basshysy bolyp jumys istedi. Sońǵy eki jylda "Baiqońyr" aýdanynyń ákimi bolyp jumys istedi. Nurbol Nursaǵatov meritokratiia qaǵidatyna sáikes jetekshi mamannan aýdan ákimine deiingi joldy ótken tájiribeli maman. Memlekettik qyzmettegi jalpy eńbek ótili 17 jyldy quraidy.
QR PÁ jáne qalalyq máslihat depýtattarynyń kelisimi boiynsha "Baiqońyr" aýdanynyń ákimi bolyp 43 jastaǵy Erlan Jaýlybaev taǵaiyndaldy, ol taǵaiyndalǵanǵa deiin úsh jyl boiy "Baiqońyr" aýdany ákiminiń orynbasary qyzmetin atqardy. Eńbek jolyn 2001 jyly Qostanai Biznes jáne quqyq kolledjiniń zerthanashysy laýazymynan bastady, 2004-2005 jyldary- Qostanai oblysy ákimi apparatynyń bas mamany. 2005-2011 jyldary Qostanai oblysynyń jumyldyrý daiyndyǵy jáne TJ basqarmasynda, Astana qalasynyń Jumyldyrý daiyndyǵy jáne TJ basqarmasynda bas maman bolyp jumys istedi. Sondai-aq ár jyldary Qostanai oblysy Jitiqara aýdany ákiminiń orynbasary, "Qostanai oblysy ákimdiginiń jumyspen qamtýdy úilestirý jáne áleýmettik baǵdarlamalar basqarmasy" memlekettik mekemesiniń basshysy qyzmetterin atqardy. 2017-2018 jyldary-Aqtóbe oblysy ákimi apparaty basshysynyń orynbasary. 2018-2021 jyldary Nur-Sultandaǵy "Baiqońyr" aýdany ákiminiń orynbasary qyzmetin atqarǵan. Jalpy eńbek ótili 20 jyldan asady.
Elorda ákimi Altai Kólginov aýdan ákimderi men orynbasarlarynyń aldyna birqatar mindetter qoidy.
