«Nur Otan» jalǵan aqparat taratqany úshin S.Zakirov, M.Turymbetov jáne A.Iliashev esimdi azamattardyń ústinen sotqa aryz berdi, dep habarlaidy "Ult aqparat" partiianyń baspasóz qyzmetine silteme jasap.
Buǵan deiin jaýapkerler partiia qurýǵa kedergi keltirdi degen jeleýmen birneshe ret «Nur Otan» partiiasynyń ústinen sotqa shaǵymdanǵan. Partiiaǵa taǵylǵan bul aiyptaý áleýmettik jeliler men BAQ-ta da keńinen taraǵan.
«Saiasi partiialar týraly» Zańnyń 10-baby 1-tarmaǵyna sáikes, saiasi partiiany memlekettik tirkeýdi QR Ádilet ministrligi ǵana júzege asyrady. Demek, «Nur Otan» partiiasy basqa partiialardy tirkeý isine qatysa almaidy. Onyń ústine, bul másele boiynsha bireýge kedergi keltiretindei múmkindigi de joq. Sondyqtan «Nur Otan» partiiasy bul áreketti qoǵamdyq birlestiktiń bedeline nuqsan keltirý úshin jasalǵan dep esepteidi. Soǵan bailanysty «Nur Otan» partiiasy Qazaqstan Respýblikasynyń Azamattyq kodeksiniń 143-babyna sáikes tiisti talappen Almaty qalasynyń Jetisý aýdandyq sotyna júgindi», - delingen taratylǵan aqparatta.
