Arman Qyryqbaev «Nur Otan» partiiasynyń hatshysy laýazymyna taǵaiyndaldy. Bul týraly búgin «Nur Otan» partiiasy tóraǵasynyń birinshi orynbasary Baýyrjan Baibek Twitter-degi paraqshasynda jazdy, dep habarlaidy "Ult aqparat".
«Partiia Lideri N.Á. Nazarbaevtyń kelisimimen Arman Qyryqbaev «Nur Otan»-nyń hatshysy bolyp taǵaiyndaldy. Onyń partiiadaǵy, sondai-aq ortalyq jáne jergilikti memlekettik organdardaǵy mol jumys tájiribesi aldaǵy mindetterdi tabysty iske asyrýyna múmkindik beretinine senimdimin», - delingen habarlamada.
Arman Qyryqbaev – Qazaq memlekettik basqarý akademiiasynyń, QR SIM diplomatiialyq akademiiasynyń túlegi. Ár jyldary «Nur Otan» partiiasynda, Mádeniet jáne aqparat ministrliginde, Syrtqy ister ministrliginde jumys istedi.
Ol qoǵamdyq-saiasi jumys departamentiniń direktory, mádeniet komitetiniń tóraǵasy, mádeniet jáne aqparat vitse-ministri, Qaraǵandy oblysy ákiminiń orynbasary, «Egemen Qazaqstan», «Kazahstanskaia pravda» respýblikalyq basylymdary, «Qazaqfilm» AQ, «Nur Media» JShS direktorlar keńesiniń tóraǵasy jáne t.b. qyzmetter atqardy. 2015 jyldan bastap 2019 jylǵa deiin Almaty qalasy ákiminiń orynbasary bolyp, onda ishki saiasat, bilim berý, densaýlyq saqtaý siiaqty salalardy qadaǵalady.
«Nur Otan» Qoǵammen bailanys departamentiniń ókili Klara Naqyptyń sózine qaraǵanda, partiia hatshysy retinde Arman Qyryqbaev qoǵamdyq-saiasi baǵytqa, Qoǵamdyq saiasat institýty, «Jas Otan» JQ, sarapshylar qaýymdastyǵymen birlesip jumys isteý siiaqty baǵyttarǵa jaýapty bolady.
