«Nur Otan» partiiasynyń baspasóz qyzmeti Elbasy, Partiia Lideri Nursultan Nazarbaevtyń tapsyrmasy boiynsha qabyldanǵan árbir óńir, qala jáne aýdan úshin daiyndalǵan 217 jol kartasy aiasynda sailaýaldy ýádelerdi iske asyrýdyń 10 aidaǵy aralyq qorytyndylary týraly málimettermen bólisti, dep habarlaidy "Ult aqparat" partiianyń baspasóz qyzmetine silteme jasap.
Memleket basshysy Qasym-Jomart Toqaev jariia etken «Ózgerister joly: Ár azamatqa laiyqty ómir!» sailaýaldy baǵdarlama aiasynda óńirlerde 11,6 mln sharshy metr turǵyn úi, 59 myń oryndyq 165 mektep, 28,5 myń oryndyq 354 balabaqsha, sondai-aq 6,7 myń adam qabyldaityn 44 meditsinalyq nysan paidalanýǵa berildi. 248 kásiporyn ashylyp, 1 trillion teńgeden astam investitsiia salyndy. 315 myń adam turaqty jumys oryndaryna ornalastyryldy.
Máselen, Mańǵystaý oblysynyń Qyzylsai aýylynda zamanaýi meditsinalyq qural-jabdyqtarmen jabdyqtalǵan dárigerlik ambýlatoriia ashyldy. Endi emdelýshiler ýltradybystyq, rentgen, stomatologiia jáne zerthana qyzmetterin paidalana alady. Barlyǵy 40-tan astam arnaiy kabinet jumys isteidi.
Túrkistan oblysynda oblystyq mańyzy bar «Kóksaek-Aqsý-Shaian-Myńbulaq» avtomobil joly paidalanýǵa berildi. Munda 14,8 km jol jóndelip, qaita salynsa, al 7,7 km jolǵa asfalt-beton jabyny tóseldi. Eldi mekenderdiń ishinde jaiaý júrginshilerdiń qaýipsizdigin qamtamasyz etý úshin jalpy 10 km trotýar tóseldi.
Shyǵys Qazaqstan oblysynyń Kýrchatov qalasynda tennis korty men basketbol alańynyń aýmaǵyn abattandyrý jumystar júrgizildi. Sailaý naýqany kezinde jastardan kóptegen usynystar kelip túskenin eskere otyryp, atalǵan másele partiianyń qalalyq sailaýaldy baǵdarlamasyna arnaiy tarmaq retinde engizilgen edi.
Almaty oblysynyń Baqanas aýylynda jańa dene shynyqtyrý-saýyqtyrý kesheni ashyldy. Jalpy aýdany 4 myń sharshy metrden asatyn ǵimaratta kúres, boks, fýtbol, basketbol, voleibol, tennis siiaqty sport túrlerimen ainalysýǵa jaǵdai jasalǵan. Nysan barlyq qajetti sporttyq kerek-jaraqtarmen tolyqtai jabdyqtalǵan.
Eske sala keteiik, «Nur Otan» partiiasynyń sailaýaldy ýádeleri aiasynda 2025 jylǵa deiin 1 mln otbasy úshin 100 mln sharshy metrden astam turǵyn úi paidalanýǵa berilip, 3,5 myń aýyl men 5 myń mektep jańǵyrtylady. 25 myń shaqyrym respýblikalyq jáne 27 myń shaqyrym jergilikti joldar salý jáne qaita jańartý kózdelip otyr.
Áleýmettik tólemderdi jyl saiyn indeksteýge 3 trillion teńgeden astam qarajat bólinedi. Densaýlyq saqtaýdy qarjylandyrý kólemi IJÓ-niń 5%-yna deiin jetkiziledi. 3 jastan 6 jasqa deiingi balalar 100%mektepke deiingi tárbiemen qamtylady.
