Lázzat Tanysbai «NUR-Media» holdingine basshylyqqa keldi. Bul týraly «Nur Otan» partiiasy Tóraǵasynyń birinshi orynbasary Máýlen Áshimbaev óziniń feisbýk paraqshasynda jazdy, dep habarlaidy QazAqparat tilshisi.
«Jańa ǵana «NUR-Media» holdinginiń ujymyna jańa bas direktordy tanystyrdym. Bul laýazymǵa belgili jýrnalist, televidenie salasynyń bilikti mamany ári tabysty top-menedjer Lázzat Muratqyzy Tanysbai taǵaiyndaldy», - dep jazdy Máýlen Áshimbaev óziniń Feisbýk paraqshasynda.
Máýlen Áshimbaev jazǵandai, Lázzat Tanysbai «Qazaqstan» arnasynda eńbek jolyn bastap, keiin «Habar» arnasynda jumys istegen. Memleket basshysynyń baspasóz qyzmetinde ártúrli laýazymda bolǵan. «Astana» telearnasyna aýyspai turyp, bailanys jáne aqparat vitse-ministri bolǵan.
«Bul laýazymdarda Lázzat Muratqyzy mass-media salasynda daryndy maman jáne bilikti basshy ekenin kórsetti. Onyń qazirgi laýazymǵa kelýi partiialyq holdingtiń jumysyna serpin beretinine jáne onyń jańǵyrtylýyna yqpalyn tigizetinine senimdimin. Biz «NUR-Media» jumysyn jańa deńgeige shyǵarǵymyz keledi. Lázzat Muratqyzy bul mindetti atqaryp ketetinine senemin. Ol sonymen birge, «Astana» telearnasyndaǵy basshylyqty jalǵastyrady», - deidi ol.
Aita ketsek, Lázzat Tanysbai 1973 jyly týǵan. 1993 jyldan bastap telearnalarda jumys istegen. QR bailanys jáne aqparat vitse ministri bolyp taǵaiyndalǵanǵa deiin «Qazaqstan» respýblikalyq teleradio korporatsiiasy» AQ basqarma tóraǵasynyń orynbasary qyzmetin atqarǵan. Onyń «Habar» agenttiginde, QR Mádeniet jáne aqparat ministrligi Aqparat jáne muraǵat komitetinde, QR Prezidenti Ákimshiliginde jumys tájiribesi bar.
