Jańa jyl merekesiniń qurmetine orai, 30 jeltoqsan men 2 qańtar aralyǵynda «Nur Álem» sferasy óz kelýshilerin saǵat 10:00-21:00 aralyǵynda kútedi. Bul mereke kúnderi elorda turǵyndary men qonaqtary biletterdi 50% jeńildikpen satyp ala alady.
Kelýshiler qyzyqty interaktivti qondyrǵylardy, bolashaqtyń tehnologiialaryn, ǵaryshtyq ónertabystardy jáne t.b. tamashalaý múmkindigine ie bolmaq.
Sonymen qatar, "Nur Álem" qonaqtardy jańa eksponattarmen qýantady. Jiyrmadan astam ekspozitsiia balamaly energiia kózderi salasyndaǵy zamanaýi jasyl tehnologiialar men innovatsiialyq ázirlemelerdiń úlgileri sanalatyn «Úzdik tájiribe aimaǵy» jáne Taqyryptyq pavilondardan kóshirilgen. Olardyń arasynda: «Álem jáne energiia» kinetikalyq músini – biriktirilgen áserleri bar tańǵalarlyq jarqyn shoý, «Aqyldy qala» jaryq LED kórinisi, Solar Impulse modeli – kún energiiasy qýatymen ushatyn ushaq.
UOS qatysýshylaryna, barlyq toptaǵy múgedekterge, jetim balalarǵa, kóp balaly analarǵa jáne 6 jasqa deiingi balalarǵa Sferaǵa kirý tegin.
Esterińizge sala keteiik, EKSPO kórme kesheniniń aýmaǵynda muz aidyny ashyldy. Kelýshilerge yńǵaily bolý úshin konkilerdi jalǵa berý, avtokólik ieleri úshin jer asty parkingi jáne saqtaý kameralary qarastyrylǵan. Muz aidynynyń jumys ýaqyty – saǵat 10:00-den 23:00-ge deiin.
