Amerikanyń Novavax biotehnologiialyq kompaniiasy koronavirýsqa qarsy vaktsinany synaýǵa kiristi. 25 mamyrda bastalǵan klinikalyq synaqtyń alǵashqy kezeńine Avstraliiadan erikti túrde 18-59 jas aralyǵyndaǵy 130 adam qatyspaq. Ǵalymdar vaktsiiananyń qaýipsizdigi men tiimdiligi jaily aldyn ala nátije shilde aiynda shyǵýy tiis dep boljaidy.
Synaqtyń ekinshi kezeńi keiinirek AQSh-ta jáne taǵy birneshe elde qatar júredi dep josparlanǵan. Synaq immýnitetti, vaktsina qaýipsizdigi jáne virýstyń túrli jastaǵy adamdarǵa qalai áser etetindigin anyqtaýdy kózdeidi.
Qazir AQSh-tan bólek Eýropa men Qytaida da birneshe vaktsina synaqtan ótip jatyr. Álemde 5,5 millionnan asa adamǵa juǵyp, 345 myńǵa jýyq naýqas kóz jumǵan bul koronavirýsqa qarsy vaktsina qanshalyqty nátijeli bolatyny belgisiz.
