Norvegiia parlamentindegi basqarýshy konservativtik partiia ókili Peter Friolih sportta doping qoldanýdy ekonomikalyq qylmysqa jatqyzyp, zańsyz preparattardy qoldanǵany úshin sottalǵan sportshylarǵa berilgen syiaqyny qaitaryp alý týraly usynys aitty, dep habarlaidy "Ult aqparat".
«Biz dopingti ekonomikalyq qylmys dep esepteimiz», - dep túsindirdi ol Nationen gazetine bergen suhbatynda.
Osylaisha, Norvegiianyń qylmystyq isine doping qosylýy múmkin. Buǵan 2019 jyly Aýstriiada shańǵy jarysynan bolǵan álem chempionaty kezindegi daý-damai sebep boldy. Sol kezde birneshe sportshy dopingimen ustalǵan.
«Norvegiianyń politseileri aýstriialyq áriptesteri sekildi áreketke bara alýy úshin zańǵa ózgeris qajet, biz qazir osy baǵytta jumys istep jatyrmyz», - dep túsindirdi depýtat.
Norvegiia zańnamasy Dúniejúzilik antidoping agenttiginiń (WADA) erejelerine sáikes ózgertilýi múmkin.
