Video kadry
Nómiri kórinbeitin kólik júrgizýshisi jazalanýy múmkin. Bul týraly Almaty Politsiia departamenti ókilderi málimdedi, - dep habarlaidy Tengrinews.kz.
Qys mezgilinde keibir júrgizýshiler kóliktegi memlekettik nómirdi tazalaý keregin elei bermeidi.
Mundai kólik júrgizýshilerine Ákimshilik quqyqbuzýshylyq týraly kodekstiń 590-baby, 1-bóligi "Kólik quraldaryn paidalaný erejelerin buzý" boiynsha aiyppul salynady.
"Kórinbeitin nemese ulttyq standart talaptaryna sáikes kelmeitin, belgili bir oryndardan basqa jerge ornatylǵan memlekettik tirkeý nómirleri bar kólikti tizgindeý bes ailyq eseptik kórsetkish mólsherinde aiyppul salýǵa ákep soǵady", - delingen bapta.
Aita keteiik, 2023 jyly 1 AEK - 3 450 teńgege teń. Osylaisha, 17 250 teńge kóleminde aiyppul tóleýge týra keledi. Buǵan deiin áleýmettik jelilerde memlekettik nómirin qar basqan kóliktiń videosy paida bolǵan edi.
"Jergilikti Politsiia basqarmasy kólik júrgizýshisin anyqtaý jáne ony jaýapkershilikke tartý boiynsha tekseris bastady", - dedi Almaty politsiiasy ókili.
