Biyl elimizde 125 myń tonna hosh iisti kómirsýtek óndiriledi. Bul týraly QR Energetika ministri Nurlan Noǵaev aitty, dep habarlaidy "Ult aqparat".
«Qazirgi ýaqytta respýblikada jaǵarmailardy, jol bitýmdaryn, hosh iisti kómirsýtekterdi, sondai-aq polipropilen men benzinge arnalǵan qospalardy shyǵaratyn kásiporyndar jumys isteidi. Otandyq munai-gaz-himiia salasyndaǵy mańyzdy qadam biyl Atyraý munai óńdeý zaýytynda hosh iisti kómirsýtekter - benzol, paraksilol óndirisiniń bastalýy. Osy jyly 125 myń tonna hosh iisti kómirsýtegiler óndiriledi dep kútiledi», - dedi ministr búgin munai-gaz-himiia salasyn damytý máseleleri boiynsha kezdesýde.
Onyń dereginshe, jol bitýmynyń óndirisi 2014 jylmen salystarǵanda 450 myńnan 900 myń tonnaǵa deiin, iaǵni eki esege artty. Bul avtojol salasynyń bitýmǵa degen ishki qajettiligin tolyq qamtamasyz etýge múmkindik berip otyr.
«Sondai-aq, osy jyldyń maýsym aiynda Almaty oblysynda qýaty jylyna 100 myń tonnany jáne quny 94 mln AQSh dollaryn quraityn jaǵarmai óndiretin zaýyt iske qosyldy. Zaýyttyń iske qosylýy ishki naryqtyń qajettiligin qamtamasyz etip qana qoimai, ony alys-jaqyn shetelderge eksporttaýǵa múmkindik beredi. Sonymen qatar, sońǵy jyldary álemdik munai-himiiada gazdy shikizat retinde paidalanatyn keshender qurylysynyń ulǵaiý úrdisi baiqalady. Bul álemdik naryqtaǵy munai baǵasynyń gazǵa qaraǵanda edáýir joǵary bolýymen bailanysty. Osyǵan oraida, respýblikada iske asyrylyp jatqan polipropilen men polietilen óndirisi boiynsha gaz-himiialyq keshenderdiń ózektiligi odan saiyn artyp keledi. Dál osy polietilen men polipropilen barlyq polimerlerdi álemdik tutynýdyń 60 paiyzdan astamyn quraidy», - dedi Nurlan Noǵaev.
Ministr dereginshe, Atyraý oblysynda memlekettik indýstriialdy-innovatsiialyq damý memlekettik baǵdarlamasy aiasynda qýaty 500 myń tonna polipropilen jáne qýaty 1 250 myń tonna polietilen óndiretin gazdy tereńdetip óńdeý boiynsha 2 iri joba iske asýda. Osy jobalar boiynsha investitsiialar kólemi shamamen 9 mlrd AQSh dollaryn quraidy. Qurylys kezeńinde keminde 6000-nan astam jumys orny jáne paidalaný kezeńinde 1000 jumys orny qurylatyn bolady.
«Birinshi joba polipropilen óndirisi boiynsha ótken jyldan bastap qurylys jumystary júrgizilýde. Qurylys jumysy 52 paiyzǵa oryndaldy. Qurylys kestege sáikes júzege asyrylýda, zaýytty iske qosý 2021 jylǵa josparlanǵan. Polietilen jobasyn álemniń eń iri polimerler óndirýshileriniń qataryna kiretin avstriialyq Borealis kompaniiasymen birlesip iske asyrý josparlanyp otyr. Eki jobanyń JIÓ-ge jiyntyq úlesi 1,5 paiyz dep kútiledi», - dedi ol.
